Farali Khatta Dhokla Recipe For Shitala Satam 2025: એક તરફ શ્રાવણ મહિનાના ઉપવાસ ચાલી રહ્યા છે, તો બીજી તરફ રાંધણ છઠ્ઠ અને શીતળા સાતમ જેવા તહેવારો આવી રહ્યા છે. ત્યારે આ તહેવારમાં ફરાળી ઇન્સ્ટન્ટ ફરાળી ખાટા ઢોકળા કેવી રીતે બનાવવા તેની રેસિપી ગુજરાતી જાગરણ તમને અહીં જણાવશે. સાથે શીંગદાણા ચટણી કેવી રીતે બનાવવી તેની રેસિપી પણ જોઈશું.
ઇન્સ્ટન્ટ ફરાળી ખાટા ઢોકળા બનાવવાની સામગ્રી:
- સામો ચોખાનો લોટ: 1/2 કપ
- સાબુદાણા: 1/4 કપ
- ખાટું દહીં: 1/4 કપ
- પાણી: 1/4 કપ (અને જરૂર મુજબ)
- આદુનો ટુકડો: 1 ઇંચ
- લીલા મરચાં: 2-૩ (તીખાશ મુજબ)
- મીઠું: 1/2 ચમચીથી થોડું વધારે (સ્વાદ મુજબ)
- અજમો: 1/2 ચમચી (વૈકલ્પિક, જો ફરાળમાં ખાતા હોય તો)
- ઈનો ફ્રુટ સોલ્ટ: 1/2 ચમચી
- દળેલી ખાંડ: 1/2 ચમચી (વૈકલ્પિક, ખાટા-મીઠા સ્વાદ માટે)
- તેલ: ઢોકળાની પ્લેટને ગ્રીસ કરવા માટે
- લાલ મરચું પાવડર: ઉપરથી ભભરાવવા માટે
- સમારેલા લીલા ધાણા: સુશોભન માટે
- વઘાર માટે: તેલ (1 ચમચી), જીરું (1 ચમચી), લીલા મરચાં, મીઠા લીમડાના પાન.
ઇન્સ્ટન્ટ ફરાળી ખાટા ઢોકળા બનાવવાની રીત:
- 1). એક બાઉલમાં સામો ચોખાનો લોટ અને સાબુદાણા લો. તેને ૩-4 વાર પાણીથી બરાબર ધોઈ લો. પાણી નિતારી લો.
- 2). તેમાં 1/4 કપ ખાટું દહીં અને 1/4 કપ પાણી ઉમેરો. બરાબર મિક્સ કરો. તેને 1૫ મિનિટ માટે (અથવા 1 કલાક જો સમય હોય, અથવા ૩૦ મિનિટ સાબુદાણા ફૂલવા માટે) પલાળી રાખો.
- 3). પલાળ્યા પછી, મિશ્રણને મિક્સર જારમાં ટ્રાન્સફર કરો.
- 4). આદુનો ટુકડો, લીલા મરચાં, મીઠું (1/2 ચમચીથી થોડું વધારે) અને અજમો ઉમેરો. એકદમ સ્મૂધ બેટર થાય ત્યાં સુધી પીસી લો. પીસતી વખતે જરૂર પડે તો 1/4 કપ વધારાનું પાણી ઉમેરી શકો છો.
- 5). ઢોકળાની પ્લેટને 1/2 ચમચી તેલથી ગ્રીસ કરી લો.
- 6). વરાળમાં મૂકતા પહેલા, બેટરમાં 1/2 ચમચી ઈનો ફ્રુટ સોલ્ટ ઉમેરો અને એક દિશામાં ઝડપથી મિક્સ કરો.
- 7). જો તમને ખાટા-મીઠા ઢોકળા ગમે, તો 1/2 ચમચી દળેલી ખાંડ ઉમેરો.
- 8). ગ્રીસ કરેલી ઢોકળાની પ્લેટમાં બેટર રેડો. પ્લેટને હળવા હાથે ટેપ કરો.
- 9). ઉપરથી લાલ મરચું પાવડર ભભરાવો.
- 10). સ્ટીમરમાં પાણી ગરમ કરવા મૂકો. પાણી ગરમ થાય પછી, ઢોકળાની પ્લેટ અંદર મૂકો.
- 11). હાઈ ફ્લેમ પર 15 મિનિટ માટે વરાળમાં શેકી લો.
- 12). 15 મિનિટ પછી, છરી કે ટૂથપીક વડે તપાસો. જો સ્વચ્છ બહાર આવે, તો ઢોકળા તૈયાર છે. પ્લેટને બહાર કાઢીને અડધી મિનિટ ઠંડી થવા દો.
- 13). ઢોકળાને મનપસંદ આકારમાં (ત્રિકોણ અથવા ચોરસ) કાપી લો.
- 14). વઘાર માટે: એક નાના પેનમાં 1 ચમચી તેલ ગરમ કરો. તેમાં 1 ચમચી જીરું, લીલા મરચાં અને મીઠા લીમડાના પાન ઉમેરો. સાંતળીને તરત જ ગેસ બંધ કરી દો.
- 15). વઘારને ઢોકળાના ટુકડા પર રેડો.
- 16). સમારેલા લીલા ધાણાથી સુશોભિત કરો. ગરમ ગરમ પીરસો.
- 17). નોંધ: ઢોકળાને ચટણી સાથે પીરસો.
શીંગદાણા ચટણીની રેસિપી
શીંગદાણા ચટણી બનાવવાની સામગ્રી:
- શેકેલા શીંગદાણા: જરૂર મુજબ
- લીલા મરચાં: સ્વાદ મુજબ
- કોથમીર: થોડી
- જીરું: થોડું
- મીઠું: સ્વાદ મુજબ
- લીંબુનો રસ: સ્વાદ મુજબ
- પાણી: જરૂર મુજબ
શીંગદાણા ચટણી બનાવવાની રીત:
- 1). મિક્સર જારમાં શેકેલા શીંગદાણા, લીલા મરચાં, કોથમીર, જીરું, મીઠું અને લીંબુનો રસ લો.
- 2). જરૂર મુજબ પાણી ઉમેરીને સ્મૂધ ચટણી પીસી લો.