Gujarati Doodh Pak Recipe: શ્રાદ્ધ શરૂ થઈ ગયા છે. શ્રાદ્ધ માટે સરળ રીતે ક્રીમી અને ઘાટો દુધપાક બનાવવાની રીત ગુજરાતી જાગરણ તમને અહીં જણાવશે.
દૂધપાક બનાવવાની રીત
- સામગ્રી:
- દૂધ: 1 લીટર
- ચોખા: 2 થી 3 ચમચી
- ખાંડ: 4 ચમચી
- ડ્રાયફ્રુટ્સ (બદામ, કાજુ, પિસ્તા): ઝીણા સમારેલા (આશરે 2 ટેબલસ્પૂન)
- ઇલાયચી પાવડર: જરૂર મુજબ
દૂધપાક બનાવવાની રીત:
- 1). સૌપ્રથમ, 2 થી 3 ચમચી ચોખાને બરાબર ધોઈ લો.
- 2). ધોયેલા ચોખાને પાણીમાં 10 થી 15 મિનિટ માટે પલાળી રાખો.
- 3). ચોખા પલળી જાય પછી, તેને હાથથી સહેજ મસળી લો જેથી દાણા છૂટા પડી જાય.
- 4). એક જાડા તળિયાવાળા વાસણમાં 1 લીટર દૂધ લો.
- 5). દૂધને ઉંચી આંચ પર ગરમ કરવા મૂકો અને ઉકાળો. દૂધ તળિયે ચોંટી ન જાય તે માટે વચ્ચે વચ્ચે હલાવતા રહો.
- 6). દૂધ ગરમ થાય અને ઉકળી જાય પછી, તેમાં પલાળેલા અને સહેજ મસળેલા ચોખા ઉમેરી દો.
- 7). ચોખા ઉમેર્યા બાદ બરાબર મિક્સ કરી લો.
- 8). ગેસની ફ્લેમ ધીમીથી મધ્યમ રાખીને દૂધને 10 મિનિટ માટે ઉકાળો. આ સમયે દૂધ થોડું ઘટ્ટ થવા લાગશે.
- 9). હવે, તેમાં 4 ચમચી ખાંડ ઉમેરી દો. ખાંડ ઓગળી જાય ત્યાં સુધી બરાબર હલાવીને મિક્સ કરો.
- 10). ત્યારબાદ, ઝીણા સમારેલા બદામ, કાજુ અને પિસ્તા જેવા ડ્રાયફ્રુટ્સ (આશરે 2 ટેબલસ્પૂન) અને ઇલાયચી પાવડર જરૂર મુજબ ઉમેરો.
- 11). બધી સામગ્રીને બરાબર મિક્સ કરી લો.
- 12). ગેસની ફ્લેમ મધ્યમ રાખીને દૂધપાકને ત્યાં સુધી ઉકાળો જ્યાં સુધી ચોખા સંપૂર્ણપણે ચડી ન જાય અને દૂધ ઘટ્ટ થઈને એકદમ ક્રીમી ન બની જાય. આ પ્રક્રિયામાં લગભગ 6 થી 7 મિનિટ લાગી શકે છે.
- 13). જ્યારે દૂધપાક ઇચ્છિત ઘટ્ટતાનો અને ચોખા ચડી જાય ત્યારે ગેસ બંધ કરી દો.
- 14). દૂધપાકને સંપૂર્ણપણે ઠંડો થવા દો. ઠંડો થવાથી દૂધપાક વધુ ઘટ્ટ બને છે અને તેનો સ્વાદ પણ વધુ સારો લાગે છે.
- 15). ઠંડા દૂધપાકને સર્વ કરો. સર્વ કરતી વખતે ઉપરથી થોડા ડ્રાયફ્રુટ્સથી ગાર્નિશ કરી શકાય છે.