Donald Trump Gift to PM Modi: અમેરિકાના રાષ્ટ્રપતિ ડોનાલ્ડ ટ્રમ્પે વડાપ્રધાન નરેન્દ્ર મોદીને વ્હાઈટ હાઉસમાં તેમના પ્રથમ કાર્યકાળ દરમિયાનનું એક પુસ્તક 'Our Journey Together' ભેટ આપી છે. 320 પાનાના આ પુસ્તકમાં તેમના સાથે યોજાયેલા કાર્યક્રમોની ઝલક જોવા મળી રહી છે.
ગુરુવારે જ્યારે વડાપ્રધાન મોદી અને ડોનાલ્ડ ટ્રમ્પ વ્હાઇટ હાઉસમાં વેપાર, સુરક્ષા અને દ્વિપક્ષીય સંબંધો પર વાતચીત માટે મળ્યા હતા ત્યારે ડોનાલ્ડ ટ્રમ્પે તેમને આ પુસ્તક ભેટ આપ્યું હતું. આ ફોટોબુકમાં ટ્રમ્પના પહેલા કાર્યકાળની વિગતો છે. જેમાં મુખ્ય ઘટનાઓની તસવીરો, સપ્ટેમ્બર 2019 માં પીએમ મોદીની યુએસ મુલાકાત દરમિયાન યોજાયેલા હાઉડી મોદી કાર્યક્રમની યાદોનો સમાવેશ થાય છે.
ડોનાલ્ડ ટ્રમ્પે નરેન્દ્ર મોદી માટે પુસ્તક પર હસ્તાક્ષર કર્યા હતા અને લખ્યું હતું કે મિસ્ટર પ્રાઈમ મિનિસ્ટર, યુ આર ગ્રેટ.
ડોનાલ્ડ ટ્રમ્પે ત્યારબાદ ડોનાલ્ડ ટ્રમ્પની ભારત મુલાકાત વખતે યોજાયેલા કાર્યક્રમ નમસ્તે ટ્રમ્પ રેલીની તસવીરો બતાવી હતી. જેમાં એક તસવીરમાં ફર્સ્ટ લેડી મેલાનિયા અને ડોનાલ્ડ ટ્રમ્પની તાજમહેલ સામે લીધેલી તસવીર પણ હતી.
ડોનાલ્ડ ટ્રમ્પે કહ્યું કે મારા માટે એ ખૂબ જ સન્માનની વાત છે કે ભારતના વડાપ્રધાન મોદી અહીં આપ્યા. તેઓ લાંબા સમયથી મારા સારા મિત્ર રહ્યા છે. અમારા વચ્ચે ખૂબ જ સારા સંબંધો રહ્યા છે અને અમે અમારા ચાર વર્ષના કાર્યકાળ દરમિયાન આ સંબંધ જાળવી રાખ્યો છે.
President Trump gifts Prime Minister Modi his book, Our Journey Together, and shows the photo of his 2020 visit to the Taj Mahal #PMModiInUSA #ModiInUSA #DonaldTrump #Trump pic.twitter.com/AigqddofvT
— Ajeet Kumar (@Ajeet1994) February 13, 2025