Donald Trump In UN: અમેરિકાના રાષ્ટ્રપતિ ડોનાલ્ડ ટ્રમ્પે સંયુક્ત રાષ્ટ્ર મહાસભાને સંબોધન કર્યું. જ્યારે તેઓ પોતાનું ભાષણ આપવા માટે સ્ટેજ પર પહોંચ્યા, ત્યારે તેમનું ટેલિપ્રોમ્પ્ટર ખરાબ થઈ ગયું, જેના કારણે તેમને ટેલિપ્રોમ્પ્ટર વગર ભાષણ આપવું પડ્યું. જોકે, તેમનું ભાષણ શરૂ થાય તે પહેલાં, અમેરિકાના રાષ્ટ્રપતિએ ટેલિપ્રોમ્પ્ટરની ખરાબીનો ઉલ્લેખ કર્યો અને જાહેર કર્યું કે જે કોઈ તેને સંભાળી રહ્યું છે તે ગંભીર મુશ્કેલીમાં મુકાશે.
સંયુક્ત રાષ્ટ્ર મહાસભામાં પોતાના ભાષણ દરમિયાન, ટ્રમ્પે મજાકમાં ટિપ્પણી કરી કે ટેલિપ્રોમ્પ્ટર ખરાબ થયા પછી પણ તેમને તેના વગર બોલવામાં કોઈ વાંધો નથી. તેમણે ઉમેર્યું- હું ફક્ત એટલું જ કહી શકું છું કે જે કોઈ આ ટેલિપ્રોમ્પ્ટરને ચલાવે છે તે મોટી મુશ્કેલીમાં છે. ટ્રમ્પે આટલું જ કહેતા ત્યાં બેઠેલા લોકો પોતાનું હાસ્ય રોકી શક્યા નહીં અને હોલમાં હળવો માહોલ છવાઈ ગયો હતો.
VIDEO | New York: US President Donald Trump (@realDonaldTrump) addresses the 80th session of the United Nations General Assembly (UNGA).
— Press Trust of India (@PTI_News) September 23, 2025
(Source: Third Party)
(Full video available on PTI Videos - https://t.co/n147TvqRQz) pic.twitter.com/Q00uEPotpT
ડોનાલ્ડ ટ્રમ્પે જળવાયુ પરિવર્તનને ઇતિહાસનું સૌથી મોટી છેતરપિંડી ગણાવી છે. તેમણે કહ્યું કે જ્યારે અમેરિકા ઉત્સર્જન ઘટાડવા માટે દબાણ હેઠળ છે, ત્યારે અન્ય દેશો પ્રદૂષણના દરેક કાયદાનો ભંગ કરી રહ્યા છે. ટ્રમ્પે કહ્યું કે જ્યારે તેના સ્પર્ધકો અનિયંત્રિત ઔદ્યોગિક પ્રદૂષણ ચાલુ રાખે છે ત્યારે અમેરિકાએ વૈશ્વિક આબોહવા નીતિઓનો બોજ સહન ન કરવો જોઈએ.
યુક્રેન યુદ્ધ માટે ભારત અને ચીન પર નિશાન સાધ્યા
રાષ્ટ્રપતિ ટ્રમ્પે કહ્યું- ચીન અને ભારત રશિયા પાસેથી ઓઇલ ખરીદીને આ યુદ્ધને ચાલુ રાખવામાં મુખ્ય ભૂમિકા ભજવી રહ્યા છે. જોકે, એ ખૂબ જ ખોટું છે કે નાટો દેશોએ રશિયા પાસેથી ઊર્જા અને ઊર્જા ઉત્પાદનો ખરીદવાનું બંધ કર્યું નથી. જેમ તમે જાણો છો, મને બે અઠવાડિયા પહેલા આ વિશે જાણવા મળ્યું હતું અને મને તે ગમતું નથી. તેઓ પોતાની સામે યુદ્ધ માટે ભંડોળ પૂરું પાડી રહ્યા છે.
તેમણે વધુમાં કહ્યું- શું કોઈએ ક્યારેય આવી વાત સાંભળી છે? જો રશિયા યુદ્ધનો અંત લાવવા માટે સમાધાન કરવાનો ઇનકાર કરે છે, તો યુનાઇટેડ સ્ટેટ્સ ખૂબ જ કડક ટેરિફ લાદવા માટે સંપૂર્ણપણે તૈયાર છે, જેનાથી મને લાગે છે કે ખૂબ જ ઝડપથી રક્તપાત બંધ થશે. આ ટેરિફ અસરકારક બનવા માટે યુરોપિયન દેશો જે પહેલાથી જ અહીં છે તેમણે સમાન પગલાં લેવા પડશે.