Diwali Special Train 2026: તહેવારોની આગામી મોસમ દરમિયાન મુસાફરોની વધારાની ભીડને ધ્યાનમાં રાખીને પશ્ચિમ રેલ્વે દ્વારા એક મહત્વપૂર્ણ નિર્ણય લેવામાં આવ્યો છે. યાત્રીઓની સુવિધા વધારવા માટે પશ્ચિમ રેલવે દ્વારા ત્રણ વિશેષ સાપ્તાહિક ટ્રેનો ચલાવવાની જાહેરાત કરવામાં આવી છે. પશ્ચિમ રેલ્વેના મુખ્ય જનસંપર્ક અધિકારી વિનીત અભિષેક દ્વારા જારી કરાયેલી અખબારી યાદી મુજબ, આ ટ્રેનો બાંદ્રા ટર્મિનસથી અજમેર/મદાર, વલસાડથી પ્રયાગરાજ જંક્શન અને અસારવા થી પ્રયાગરાજ જંક્શન વચ્ચે દોડાવવામાં આવશે.
બાંદ્રા ટર્મિનસ – મદાર/અજમેર સાપ્તાહિક સ્પેશિયલ (ટ્રેન નં. 09622/09621)
આ ટ્રેન કુલ 14 ટ્રિપ્સ માટે ચલાવવામાં આવશે.
ઉપડવાનો સમય: ટ્રેન નંબર 09622 બાંદ્રા ટર્મિનસથી દર મંગળવારે સાંજે 16:30 વાગ્યે ઉપડી બીજા દિવસે સવારે 11:25 વાગ્યે મદાર પહોંચશે. (કાર્યરત સમય: 20 ઓક્ટોબરથી 1 ડિસેમ્બર, 2026)
પરત આવવાનો સમય: ટ્રેન નંબર 09621 અજમેરથી દર સોમવારે સાંજે 17:50 વાગ્યે ઉપડી બીજા દિવસે બપોરે 13:15 વાગ્યે બાંદ્રા ટર્મિનસ પહોંચશે. (કાર્યરત સમય: 19 ઓક્ટોબરથી 30 નવેમ્બર, 2026)
મુખ્ય સ્ટોપેજ: બોરીવલી, વાપી, સુરત, વડોદરા, રતલામ, ચિત્તોડગઢ, ભીલવાડા અને બીજનગર. (ટ્રેન નંબર 09622 અજમેર ખાતે પણ રોકાશે)
વલસાડ – પ્રયાગરાજ જંક્શન સુપરફાસ્ટ સાપ્તાહિક સ્પેશિયલ (ટ્રેન નં. 04190/04189)
આ ટ્રેન કુલ 12 ટ્રિપ્સ માટે દોડાવવામાં આવશે.
ઉપડવાનો સમય: ટ્રેન નંબર 04190 વલસાડથી દર સોમવારે રાત્રે 20:00 વાગ્યે ઉપડી બીજા દિવસે સાંજે 19:50 વાગ્યે પ્રયાગરાજ પહોંચશે. (કાર્યરત સમય: 26 ઓક્ટોબરથી 30 નવેમ્બર, 2026)
પરત આવવાનો સમય: ટ્રેન નંબર 04189 પ્રયાગરાજથી દર રવિવારે સવારે 06:10 વાગ્યે ઉપડી બીજા દિવસે સવારે 06:00 વાગ્યે વલસાડ પહોંચશે. (કાર્યરત સમય: 25 ઓક્ટોબરથી 29 નવેમ્બર, 2026)
મુખ્ય સ્ટોપેજ: નવસારી, ભેસ્તાન, વ્યારા, નંદુરબાર, અમલનેર, ભુસાવલ, ઇટારસી, જબલપુર, કટની, સતના અને માણિકપુર.
અસારવા – પ્રયાગરાજ જંક્શન સાપ્તાહિક સ્પેશિયલ (ટ્રેન નં. 04166/04165)
આ ટ્રેન પણ કુલ 12 ટ્રિપ્સ માટે સુવિધા આપશે.
ઉપડવાનો સમય: ટ્રેન નંબર 04166 અસારવાથી દર ગુરુવારે સવારે 08:45 વાગ્યે ઉપડી બીજા દિવસે સવારે 10:35 વાગ્યે પ્રયાગરાજ પહોંચશે. (કાર્યરત સમય: 22 ઓક્ટોબરથી 26 નવેમ્બર, 2026)
પરત આવવાનો સમય: ટ્રેન નંબર 04165 પ્રયાગરાજથી દર બુધવારે સવારે 05:00 વાગ્યે ઉપડી બીજા દિવસે સવારે 05:45 વાગ્યે અસારવા પહોંચશે. (કાર્યરત સમય: 21 ઓક્ટોબરથી 25 નવેમ્બર, 2026)
મુખ્ય સ્ટોપેજ: હિંમતનગર, ડુંગરપુર, ઉદયપુર, સવાઈ માધોપુર, આગ્રા, ઇટાવા અને કાનપુર સેન્ટ્રલ.
કોચની સુવિધા અને બુકિંગ વિગત
કોચ કેટેગરી: આ તમામ વિશેષ ટ્રેનોમાં એસી 2-ટાયર, એસી 3-ટાયર, સ્લીપર અને જનરલ સેકન્ડ ક્લાસ (GS)ના કોચ ઉપલબ્ધ રહેશે.
બુકિંગની તારીખો
ટ્રેન નંબર 09622: બુકિંગ 18 ઓક્ટોબર, 2026 થી શરૂ થશે.
ટ્રેન નંબર 04190 અને 04166: બુકિંગ 19 ઓક્ટોબર, 2026 થી શરૂ થશે.
બુકિંગ માધ્યમ: મુસાફરો તમામ PRS કાઉન્ટરો તેમજ IRCTCની અધિકૃત વેબસાઇટ/એપ પરથી ઓનલાઇન બુકિંગ કરાવી શકશે.