વડોદરામાં રાત્રે ગરબા ગ્રાઉન્ડ જવું હવે બનશે સરળ: જાણો આ 14 રૂટ પર દોડશે નવી ઈ-બસો

Vadodara e-Bus Service: વડોદરા શહેરમાં નવરાત્રિમાં ખૈલેયાઓ અને નાગરિકોને અગવડ ન પડે અને જાહેર પરિવહન સુચારુપણે ચાલે તે માટે 30 ઇ બસોની ફાળવણી કરવામાં આવી હતી. આ 30 નવી ઈ બસો બુધવારથી જ શહેરના નિર્ધારિત 14 નવા રુટો પર દોડતી થતાં હવે શહેન મોટા ગરબા ગ્રાઉન્ડ સુધી દર્શકો અને ખૈલેયાઓ સરળતાથી જઈ શકશે.

ગરબા રમીને પરત ફરતાં ખેલૈયાઓને ઘણી મુ્શ્કેલી અનુભવાતી હતી. આ નવી ઇ-બસો 14 રુટો પર દોડતી થતાં LVP, યુનાઈટેડ વે અને વીએનએફ ગરબા ગ્રાઉન્ડ સુધી જવા માટે ખેલૈયાઓને સરળતા રહેશે. જે કોયલી, દેણા, પીલોલ જેવા રુટ્સ પર દોડશે.

14 રુટ્સ પર દોડશે 30 નવી બસો

જ્યારે પોલીસ કમિશનર દ્વારા જારી કરેલા ભારે વાહનોના જાહેરનામા પ્રમાણે, જે સ્થળ પર જાહેરનામું લાગું હોય તે સ્થળે નજીક પેસેન્જરને ઉતારી દેવાશે. અને નજીકના સ્ટેશનથી મુસાફરો ઈ બસ સેવા દ્વારા પોતાની નિર્ધારિત જગ્યાએ પહોંચી શકશે.

પીએમ ઈ બસ સેવા હેઠળ વડોદરા શહેરને 250 બસો ફાળવાઈ છે. જેમાં પ્રથમ તબક્કે 130, બીજા તબક્કે 120 ઇ બસો ફાળવાઈ છે. હાલ જે 30 બસો શહેરને ફાળવાઈ છે. તે નવા 14 રુટો પર 14 ઓક્ટોબરથી દોડતી થઈ હતી. આ સુવિધાથી શહેરીજનોને મોટી સુવિધા મળી રહેશે.

ગરબા ખેલૈયાઓને મોટી રાહત

શહેરમાં દોડતી 6 બસો 3 ગરબા ગ્રાઉન્ડ સુધી જઈને ખૈલેયાઓ અને દર્શકોને છોડી દેશે. આ હાલ વડોદરામાં ગરબાનો માહોલ જામી રહ્યો છે. તેથી રિક્ષાચાલકો અને ખાનગી ટેક્સી સેવાના ભાવોથી લોકોને ઘણો આર્થિક માર પડે છે. આ નવી પીએમ ઈ બસ સેવાથી લોકો વ્યાજબી ભાવે આરામથી અને સરળતાથી ગરબા ગ્રાઉન્ડ સુધી પહોંચી શકશે. ઉપરાંત મનપા દ્વારા સ્પેશિયલ બસ સેવાનો લાભ લેવા ખાસ અનુરોધ કરાયો છે.

14 રુટ્સ પર દોડશે ઈ બસો