Surat Bharuch MEMU Train: દક્ષિણ ગુજરાતમાં મુસાફરી કરતાં રેલ્વે પેસેન્જરો માટે અતિ મહત્વપૂર્ણ સમાચાર સામે આવ્યા છે. વડોદરા રેલ્વે ડિવિઝન દ્વારા સુરતના ઉત્રાણ રેલ્વે સ્ટેશનેને સેટેલાઈટ સ્ટેશન તરીકે વિકસાવવાની કામગીરી શરુ કરવામાં આવી છે. આ વિકાસ કાર્યોને કારણે ભરુચ-સુરત રુટ પર દોડતી મેમુ ટ્રેન આગામી 14 દિવસ માટે રદ કરવાનો નિર્ણય લેવાયો છે. આ ઉપરાંત 55થી વધારે ટ્રેનો પોતાના નિર્ધારિત સમય કરતાં 10 મિનિટથી લઈને દોઢ કલાક સુધી મોડી દોડશે.
ભરુચ-સુરત મેમુ ટ્રેન કયા દિવસે રદ રહેશે?
આ પણ વાંચો
ઉત્રાણ સ્ટેશન પર ચાલતાં કામકાજના કારણે ભરુચ-સુરત મેમુ ટ્રેન સંપૂર્ણપણે રદ રહેશે, ઓકટોબર માસની 1, 2, 3, 5, 6, 7, 8, 9, 11, 12, 13, 14, 15 અને 16 તારીખો ટ્રેન બંધ રહેશે જ્યારે આ સમયગાળા દરમિયાન 55થી વધારે ટ્રેનોના નિર્ધારિત સમયમાં ફેરફાર રહેશે.
મોડી દોડનારી મુખ્ય ટ્રેનોની યાદી (10 મિનિટથી 1.5 કલાક મોડી)
14 દિવસ સુધી ચાલનારા આ કામકાજ દરમિયાન 55થી વધુ ટ્રેનોના શિડ્યુલમાં ફેરફાર કરાયો છે:
- અમદાવાદ એક્સપ્રેસ: ડો. એમ.જી. રામચંદ્રન સેન્ટ્રલથી અમદાવાદ આવતી ટ્રેન 40 મિનિટ મોડી દોડશે.
- બાંદરા-જયપુર ટ્રેન: 30 મિનિટ લેટ રહેશે.
- ખડકી-ઈન્દોર ટ્રેન: 20 મિનિટ મોડી ચાલશે.
- સૌરાષ્ટ્ર એક્સપ્રેસ (દાદર-પોરબંદર): 15 મિનિટ મોડી પડશે.
- સ્વરાજ સ્પેશિયલ (બાંદરા-માતા વૈષ્ણોદેવી કટરા): 10 મિનિટ મોડી દોડશે.
ઉત્રાણ સ્ટેશન સેટેલાઈટ બનવાથી શુ થશે ફાયદો?
ઉત્રાણ રેલવે સ્ટેશનને સેટેલાઇટ સ્ટેશન તરીકે વિકસાવ્યા બાદ સુરત અને મુખ્ય સ્ટેશનો પરથી ટ્રેનોનું ભારણ ઘટશે. આ કાયાકલ્પ પછી ઉત્તર ભારત સહિત દેશના અન્ય મહત્વના શહેરો માટે 'હોલીડે સ્પેશિયલ' અને નવી ટ્રેનો દોડાવવાનો માર્ગ સરળ બનશે.