Rajkot: મોટામવા ગામમાં ડિમોલિશન ડ્રાઈવ, રૂ. 7 કરોડની કિંમતની 1 હજાર ચોરસ મીટર જમીન ખુલ્લી કરાઈ

રાજકોટ જિલ્લાના મોટામવા ગામે સરકારી જમીન પરના રૂ. 7 કરોડના અનધિકૃત દબાણો દૂર કરાયા. જિલ્લા કલેક્ટર ડો. ઓમપ્રકાશની સૂચનાથી 1000 ચોરસ મીટર જમીન ખુલ્લી કરાઈ, ગેરકાયદે બાંધકામ કરનારાઓમાં ફફડાટ.

By: Sanket ParekhEdited By:Sanket ParekhPublish Date: Wed, 18 Nov 2026 07:19 PM (IST)Updated: Wed, 18 Nov 2026 07:19 PM (IST)
rajkot-news-massive-demolition-drive-in-motamava-village-land-worth-rs-7-crore-cleared

Rajkot: રાજકોટ જિલ્લામાં સરકારી જમીનો પર થયેલા અનધિકૃત દબાણો દૂર કરવાની ઝૂંબેશના ભાગરૂપે રાજકોટ તાલુકાના મોટામવા ગામે તંત્ર દ્વારા ડિમોલિશનની કાર્યવાહી હાથ ધરવામાં આવી હતી.

રાજકોટ જિલ્લા કલેક્ટર ડો. ઓમપ્રકાશની સૂચના અનુસાર તાલુકા મામલતદારની ટીમ દ્વારા સરકારી ખરાબાની જમીન પર થયેલા અનધિકૃત બાંધકામો દૂર કરવામાં આવ્યાં હતાં. અંદાજે રૂ.7 કરોડની કિંમત ધરાવતા આ દબાણો દૂર કરવામાં આવતા સરકારી જમીન પર ગેરકાયદે બાંધકામ કરનારાઓમાં ફફડાટ ફેલાયો છે.

રાજકોટ તાલુકાના મોટામવા ગામે આવેલા સરકારી ખરાબાના સર્વે નંબર 180 પૈકીની જમીનમાં રહેણાક હેતુસર અંદાજે 1000 ચોરસ મીટર વિસ્તારમાં અનધિકૃત બાંધકામ કરવામાં આવ્યું હતું. સરકારી ખરાબાની જમીન પર થયેલા આ બાંધકામોને લઈને જિલ્લા વહીવટી તંત્ર દ્વારા કાર્યવાહી કરવાનો નિર્ણય લેવામાં આવ્યો હતો. જેના અનુસંધાને જિલ્લા કલેક્ટર ડો. ઓમપ્રકાશની સૂચના અને માર્ગદર્શન હેઠળ તાલુકા મામલતદારની ટીમ દ્વારા ડિમોલિશનની કામગીરી હાથ ધરવામાં આવી હતી.

ડિમોલિશન દરમિયાન પોલીસનો ચુસ્ત બંદોબસ્ત, PGVCLની ટીમ તૈનાત રખાઈ


આ કામગીરી તા. 17 નવેમ્બર, 2026ના રોજ હાથ ધરવામાં આવી હતી. ડિમોલિશન દરમિયાન કોઈ અનિચ્છનીય બનાવ ન બને અને કામગીરી શાંતિપૂર્ણ રીતે પૂર્ણ થાય તે માટે પોલીસ બંદોબસ્ત ગોઠવવામાં આવ્યો હતો. આ ઉપરાંત PGVCLની ટીમની હાજરીમાં જરૂરી વ્યવસ્થાઓ કરવામાં આવી હતી. પોલીસની સુરક્ષા વચ્ચે મામલતદારની ટીમે સરકારી જમીન પર થયેલા અનધિકૃત બાંધકામો દૂર કરવાની કામગીરી પૂર્ણ કરી હતી.

મોટામવા ગામે સર્વે નંબર 180 પૈકીની સરકારી ખરાબાની જમીનમાં આશરે 1000 ચોરસ મીટર વિસ્તારમાં થયેલા બાંધકામોની અંદાજિત કિંમત રૂ.7 કરોડ જેટલી હોવાનું જાણવા મળ્યું છે. સરકારી જમીન પર રહેણાક હેતુસર થયેલા આ બાંધકામો દૂર કરવાની કામગીરી શાંતિપૂર્ણ માહોલમાં પૂર્ણ થતાં તંત્રએ સરકારી જમીન પરથી દબાણો હટાવવાની દિશામાં