જૂનાગઢ.
જૂનાગઢ સહિત સમગ્ર ગુજરાતમાં દિન-પ્રતિદિન રખડતા ઢોરોનો ત્રાસ વધી રહ્યો છે, ત્યારે જિલ્લાના માંગરોળમાં રખડતા આખલાએ 5 થી 6 લોકોને અડફેટમાં લીધા હતાં. આ ઘટનામાં ઇજાગ્રસ્ત તમામ લોકોને માંગરોળ સરકારી હોસ્પિટલમાં સારવાર માટે દાખલ કરવામાં આવ્યા છે.
આ અંગે પ્રાપ્ત વિગતો અનુસાર, માંગરોળના રહેણાંક વિસ્તારમાં આજે બજારમાં કામ માટે જઈ રહેલાં 6 જેટલા કેટલાં લોકોને રખડતા આખલાએ અડફેટમાં લીધા હતા. જેના કારણે તેઓ ઈજાગ્રસ્ત થતાં તેમને તાત્કાલિક માંગરોળની સરકારી હોસ્પિટલમાં સારવાર અર્થે ખસેડવામાં આવ્યા છે.
સ્થાનિકોના જણાવ્યા મુજબ, માંગરોળમાં રખડતા ઢોરોનો ત્રાસ સતત વધી રહ્યો છે. અવારનવાર રખડતા ઢોર લોકોને અડફેટમાં લઈને ઈજા પહોંચાડી રહ્યાં છે. આ બાબતે અગાઉ અનેક વખત નગર પાલિકાના સત્તાધીશોને રજૂઆત કરવામાં આવી ચૂકી છે. જો કે હજુ સુધી કોઈ પગલા લેવામાં નથી આવી રહ્યાં.