Junagadh News: ગીર સોમનાથ જિલ્લા વહીવટી તંત્રની ટીમે તાલાલા-સાસણ રોડ પર આવેલી ગીર સોમનાથ હોટલ અને ત્યારબાદ જૂનાગઢ જિલ્લાના મેંદરડામાંથી રૂ. 20.36 લાખની કિંમતના ઘઉં, ચોખા અને ચણાની 656 થેલીઓ જપ્ત કરી છે. ગીર સોમનાથ ડીએસઓ એન.બી.મોદી અને તેમની ટીમે ગેરકાયદેસર રીતે વેચાતા અનાજના જથ્થા પર દરોડો પાડ્યો હતો. 20.36 લાખની કિંમતનો ગેરકાયદેસર અનાજ અને વાહનો જપ્ત કરવામાં આવ્યા છે.
ઘણા સમયથી વહીવટી તંત્રને સરકારી અનાજનો જથ્થો ગેરકાયદેસર રીતે વેંચવામાં આવતો હોવાની ફરિયાદો મળી રહી હતી. જેના આધારે ગીર સોમનાથ જિલ્લાની ટીમે મેંદરડા મામલતદારની ટીમ સાથે મેંદરામાં ત્રણ દુકાનોમાં દરોડા પાડ્યા હતા. જેમાં પ્રતિકભાઇ હિરપરાની દુકાનમાંથી 253 થેલી ઘઉં, 60 થેલી ચોખા અને 2 થેલી ચણા અને 200 રૂપિયાનો સમાવેશ થાય છે. 3,44,434નો મુદ્દામાલ જપ્ત કરવામાં આવ્યો હતો.
આ ઉપરાંત મેંદરામાં દીપકભાઈની દુકાન નંબર-2માંથી સ્વરાજ મઝદા સાથે 52 બોરી ઘઉં, 64 બોરી ચોખા અને 2 બોરી ચણાની દાળ જપ્ત કરવામાં આવી હતી. જેની કિંમત 7,97,560 રૂપિયા છે. આ ઉપરાંત મેંદરાના વંથલી રોડ પર સમા કાંઠા વિસ્તારમાં આવેલા ઝાકીરભાઈ પરમારની વેરહાઉસમાં તપાસ કરતાં 55 બોરી ઘઉં, 150 બોરી ચોખા અને 2 બોરી ચણા સહિતનો રૂ.2,84,700નો મુદ્દામાલ સીઝ કરવામાં આવ્યો છે.