Chhota Udaipur Lok Sabha Seat 2024: છોટા ઉદેપુર લોકસભા બેઠક પર આ વખતે જશુભાઈ રાઠવા સામે સુખરામ રાઠવા મેદાને, આ સીટ પર નારણ રાઠવા 6 વખત સાંસદ બન્યા હતા

Chhota Udaipur Lok Sabha Constituency 2024: છોટા ઉદેપુર લોકસભા સીટ પર પ્રથમ ચૂંટણી વર્ષ 1977માં યોજાઇ હતી. આ લોકસભા બેઠકમાં છોટા ઉદેપુર, જેતપુર, હાલોલ, સંખેડા, ડભોઇ, પાદરા, નાદોદ વિધાનસભાનો સમાવેશ થાય છે. છોટા ઉદેપુર જિલ્લો આમ તો વર્ષ 2013માં અસ્તિત્વમાં આવ્યો હતો. 2013માં તત્કાલિંક મુખ્યમંત્રી નરેન્દ્ર મોદીએ સાત જિલ્લાની જાહેરાત કરી હતી જેમાં છોટા ઉદેપુરનો સમાવેશ થયો હતો. આ જિલ્લામાં મોટા પ્રમાણમાં ખનીજ મળી આવે છે. છોટા ઉદેપુર આદિવાસી અનામત બેઠક છે. આ બેઠક પર રાઠવા જ્ઞાતિના ઉમેદવાર જીતતા આવ્યા છે.

આ બેઠક જશુભાઈ રાઠવા સામે સુખરામ રાઠવા મેદાનમાં
ભારતીય જનતા પાર્ટીએ ગીતાબેન રાઠવાનું પત્તુ કાપીને જશુભાઈ રાઠવાને ટિકિટ આપી છે. જેની સામે કોંગ્રેસે સુખરામ રાઠવાને ટિકિટ આપી છે. મોહનસિંહ રાઠવા અને નારણ રાઠવા જેવા આ વિસ્તારના મોટા નેતા ભાજપમાં જોડાયા હોવાથી ભાજપને લોકસભાની ચૂંટણી તેમનો ફાયદો મળી શકે છે. આ બેઠક પર કુલ 1822 મતદાન સ્થળોમાં 2205 મતદાન મથકો આવેલા છે. બેઠકમાં કુલ 18,14,194 મતદારો છે. જેમાંથી 9,28,081 પુરુષ મતદારો અને 8,86,096 મહિલા મતદારો જ્યારે 17 અન્ય મતદારો છે.

છોટા ઉદેપુર લોકસભા બેઠક પર નારણ રાઠવાએ 6 વાર જીત મળવી
છોટા ઉદેપુર લોકસભા બેઠક પર સૌથી વધુ વાર જીત મેળવનાર નારણ રાઠવા છે. તેઓ વર્ષ 1989માં પ્રથમ ચૂંટણી લડ્યા હતા. નારણ રાઠવા જનતા દળમાંથી પ્રથમ ચૂંટણી લડ્યા હતા. તેમને કોંગ્રેસના ત્રણ ટર્મથી વિજેતા બનનાર અમરસિંહ રાઠવાને હરાવને છોટા ઉદેપુર લોકસભા બેઠક પર જીત મેળવી હતી. ત્યાર બાદ વર્ષ 1991માં નારણ રાઠવા ફરીથી જનતા દળમાંથી ચૂંટણી લડીને જીત મેળવી હતી. ત્યાર બાદ નારણ રાઠવા કોંગ્રેસમાં જોડાયા હતા. કોંગ્રેસમાં જાડાયા બાજ તેઓ ત્રણ વાર છોટા ઉદેપુર લોકસભા બેઠક પરથી વિજેતા બન્યા હતા. જ્યારે વર્ષ 1999માં રામસિંહ રાઠવાએ નારણ રાઠવાને હરાવીને ભાજપને વિજય બનાવી હતી. જો કે, વર્ષ 2024ની ચૂંટણી પહેલા નારણ રાઠવા કોંગ્રેસ છોડીને ભાજપમાં જોડાયા હતા.