Western Railway: આગામી તહેવારોના સમયમાં મુસાફરોને મુસાફરી દરમિયાન કોઈ મુશ્કેલી ન પડે અને વધારાની ભીડને સરળતાથી મેનેજ કરી શકાય, તે માટે પશ્ચિમ રેલવે દ્વારા એક મોટો નિર્ણય લેવામાં આવ્યો છે. પશ્ચિમ રેલવે દ્વારા અમદાવાદ મંડલ પરથી પસાર થતી અને દોડતી ચાર જોડી સ્પેશિયલ ટ્રેનોના સંચાલન સમયને લંબાવવાનો નિર્ણય લેવાયો છે, જેનાથી મુસાફરોને ભારે રાહત મળશે.
કઈ ટ્રેનોના ફેરા વધારવામાં આવ્યા છે?
બાન્દ્રા ટર્મિનસ - ભુજ (ટ્રેન નંબર 09037 / 09038): આ ટ્રેનના વધારાના ફેરા 1 ઓક્ટોબરથી 28 નવેમ્બર, 2026 સુધી (ગુરુવાર અને શનિવાર) અને પરત ફરતી ટ્રેન 2 ઓક્ટોબરથી 29 નવેમ્બર સુધી (શુક્રવાર અને રવિવાર) દોડશે.
બાન્દ્રા ટર્મિનસ - ભુજ (ટ્રેન નંબર 09009 / 09010): આ ટ્રેન 4 ઓક્ટોબરથી 29 નવેમ્બર સુધી દર રવિવારે અને સોમવારે વિશેષ ફેરા લગાવશે.
બાન્દ્રા ટર્મિનસ - ભુજ (ટ્રેન નંબર 09011 / 09012): આ સર્વિસ 6 ઓક્ટોબરથી 24 નવેમ્બર વચ્ચે મંગળવાર અને બુધવારે ઉપલબ્ધ રહેશે.
બાન્દ્રા ટર્મિનસ - વેરાવળ (ટ્રેન નંબર 09017 / 09018): સૌરાષ્ટ્રના મુસાફરો માટે આ ટ્રેન 4 ઓક્ટોબરથી 29 નવેમ્બર (રવિવાર અને સોમવાર) સુધી લંબાવવામાં આવી છે.
ક્યારથી શરૂ થશે ટિકિટ બુકિંગ?
ઉપરોક્ત તમામ વિસ્તૃત ફેરો માટેની ટિકિટોનું બુકિંગ આગામી 23 સપ્ટેમ્બર 2026થી તમામ પીએઆઈઆરએસ (PRS) કાઉન્ટર્સ તેમજ આઈઆરસીટીસી (IRCTC)ની અધિકૃત વેબસાઇટ પરથી શરૂ થઈ જશે. મુસાફરો ટ્રેનોના સમય, સ્ટોપેજ અને અન્ય વિગતો માટે સત્તાવાર રેલવે વેબસાઇટની મદદ લઈ શકે છે.