Vijay Rupani Wife Anjali Rupani News: અમદાવાદ વિમાન દુર્ઘટનામાં ગુજરાતના પૂર્વ મુખ્યમંત્રી વિજય રૂપાણીના નિધનના સમાચારથી ગુજરાત ગમગીન છે. વિજય રૂપાણીના પત્ની અંજલિબેન આજે લંડનથી અમદાવાદ પરત ફર્યા હતા. તેઓ હાલ ગાંધીનગર સ્થિત આવાસ પર પહોંચ્યા છે. વિજય રૂપાણીના નિધનના સમાચારથી તેઓ ખૂબ જ ભાવુક જોવા મળી રહ્યા છે.
Gujarat: Former Chief Minister Vijay Rupani tragically lost his life in the Air India flight AI-171 crash. Following the incident, his wife Anjali Rupani arrives at their residence in Gandhinagar pic.twitter.com/0YzB5DFZ3I
— IANS (@ians_india) June 13, 2025
અંજલિ રુપાણીની આંખો છલકાઈ
વહેલી સવારે અંજલિ રુપાણી અમદાવાદ એરપોર્ટથી ગાંધીનગર ઘરે આવ્યા ત્યારે ભાવુક થઈ ગયા હતા. ગાંધીનગર સ્થિત ઘરની બહાર તેમની આંખો છલકાઈ ગઈ હતી. તેમના હૈયાફાટ રુદનથી વાતાવરણ ગમગીન થઈ ગયું હતું. ઉલ્લેખનીય છે કે વિજય રુપાણી પત્ની અંજલિ રુપાણીને લેવા માટે લંડન જઈ રહ્યા હતા.
વિજય રુપાણીએ 3 જૂને પત્ની સાથે વિદેશ પ્રવાસ માટે ટિકિટ બૂક કરાવી હતી. પત્ની પહેલેથી લંડન પહોંચી ગયા હતા પરંતુ વિજય રુપાણી પંજાબ અને ગુજરાતમાં પેટા ચૂંટણીના કારણે જઈ શક્યા ન હતા.