Mumbai-Ahmedabad Bullet Train: ગુજરાતમાં બુલેટ ટ્રેનના પાંચ સ્ટેશનોમાં રેલ લેવલ સ્લેબનું કામ પૂર્ણ, જાણો કેટલે પહોંચી પ્રોજેક્ટની કામગીરી

Mumbai-Ahmedabad Bullet Train Project Update: અમદાવાદ અને મુંબઇ વચ્ચે હાઇ સ્પીડ રેલ કોરીડોર એટલે કે બુલેટ ટ્રેન પ્રોજેક્ટનું કાર્ય પૂરજોશમાં ચાલી રહ્યું છે. આ પ્રોજેક્ટ વડાપ્રધાન નરેન્દ્ર મોદીનો ડ્રીમ પ્રોજેક્ટ છે અને આગામી 2026 સુધીમાં બીલમીરા અને સુરત વચ્ચે ટ્રાયલ રન કરવાની પણ યોજના છે. ત્યારે ગુજરાતના 8 સહિત કુલ 12 બુલેટ ટ્રેન સ્ટેશનનું નિર્માણ થવાનું છે. તેમાંથી ગુજરાતના 8 સ્ટેશનો પર રેલ લેવેલ સ્લેબનું કામ પૂર્ણ થયું છે. હવે એડવાન્સ સ્ટેજમાં આગળનું બાંધકામ કરવામાં આવશે.

ગુજરાતના 8 સ્ટેશનોમાં પાયાનું કામ પૂર્ણ
અમદાવાદ-મુંબઇ વચ્ચે દોડનારી બુલેટ ટ્રેનના 508 કિ.મી.ના અંતરમાં 12 સ્ટેશનનું નિર્માણ કરવામાં આવનારું છે. જેમાંથી ગુજરાતમાં સાબરમતી, અમદાવાદ, આણંદ, વડોદરા, ભરૂચ, સુરત, બીલીમોરા અને વાપી એમ 8 સ્ટેશન બનાવવાનું કામ ચાલી રહ્યું છે. જ્યારે મહારાષ્ટ્રમાં બોઇસર, વિરાર, ઠાણે અને મુંબઇ એમ ચાર બુલેટ સ્ટેશન બનશે. તમામ સ્ટેશનનું નિર્માણ કાર્ય ચાલી રહ્યું છે. ગુજરાતમાં 8 સ્ટેશનોમાં રેલ લેવલ સ્લેબનું કામ પૂર્ણ થઇ ગયું છે અને સુપરસ્ટ્રક્ચરનું કામ પ્રગતિમાં છે.

બુલેટ ટ્રેન સ્ટેશનો પર કેવી હશે સુવિધા
કોરિડોર પરના સ્ટેશનોમાં મુસાફરો માટે તમામ આધુનિક અને અદ્યતન સુવિધાઓ અને સગવડો હશે. અહીં ટિકિટિંગ અને પ્રતિક્ષા વિભાગ, બિઝનેસ ક્લાસ લાઉન્જ, નર્સરી, રેસ્ટરૂમ્સ, સ્મોકિંગ ઝોન, માહિતી કેન્દ્ર, રિટેલ સેન્ટર અને જનતા માટે માહિતી અને જાહેરાત વ્યવસ્થા હશે.

તદુપરાંત, કેટલાક સ્ટેશનોને પરિવહનના તમામ મૂળભૂત માધ્યમો સાથે સંકલન કરીને પરિવહન કેન્દ્ર તરીકે વિકસાવવામાં આવશે, રિક્ષા, બસ અને ટેક્સીઓ જેવા પરિવહનના તમામ મૂળભૂત માધ્યમોના સંકલન દ્વારા સ્ટેશન પર આવવા-જવા માટે વધુ સારી, ઝડપી અને મુશ્કેલી-મુક્ત જોડાણ આપવામાં આવશે.

ગુજરાતમાં સ્ટેશનોની સ્થિતિ