Gujarat Weather Today: આજે સવારથી રાજ્યમાં મેઘાવી માહોલ જોવા મળ્યો છે. ગત રાત્રે અમદાવાદ, વડોદરા સહિત રાજ્યના અનેક વિસ્તારોમાં ધોધમાર વરસાદ વરસ્યો હતો. ત્યારે હવામાન વિભાગ દ્વારા 4 થી 10 સપ્ટેમ્બર 2025 દરમિયાન ગુજરાત રાજ્યમાં ભારેથી અતિભારે વરસાદની આગાહી કરવામાં આવી છે. ખાસ કરીને ભરૂચ, નર્મદા, છોટા ઉદેપુર, નવસારી, વલસાડ, ડાંગ, સુરેન્દ્રનગર, સાબરકાંઠા, અરવલ્લી, મહીસાગર અને કચ્છ જેવા જિલ્લાઓમાં અતિથી અતિભારે વરસાદની ચેતવણી છે. આજે ભરૂચ, નર્મદા, અમરેલી, ભાવનગર, સુરત સહિતના જિલ્લાઓમાં ભારેથી અતિભારે વરસાદ થઇ શકે છે.
4 સપ્ટેમ્બરના રોજ કયા જિલ્લામાં ખાબકશે અતિભારે વરસાદ?
હવામાન વિભાગ અનુસાર, આજે 4 સપ્ટેમ્બર 2025ના રોજ ભરૂચ, નર્મદા, છોટા ઉદેપુર જિલ્લામાં અતિથી અતિભારે વરસાદની ચેતાવણી છે. જ્યારે અમરેલી, ભાવનગર, વડોદરા, પંચમહાલ, દાહોદ, સુરત, તાપી, નવસારી, ડાંગ, વલસાડ જિલ્લામાં ભારેથી અતિભારે વરસાદ થઇ શકે છે. તેમજ ગીર સોમનાથ, રાજકોટ, બોટાદ, અમદાવાદ, ગાંધીનગર, આણંદ, ખેડા, અરવલ્લી, મહીસાગર, સાબરકાંઠા જિલ્લામાં ભારે વરસાદની શક્યતા છે. આ ઉપરાંત મહેસાણા, બનાસકાંઠા, કચ્છ, મોરબી, જામનગર સહિત અન્ય જિલ્લાઓમાં હળવોથી મધ્યમ વરસાદ થઇ શકે છે.
5 સપ્ટેમ્બરના રોજ કયા જિલ્લામાં ખાબકશે અતિભારે વરસાદ?
5 સપ્ટેમ્બર 2025ના રોજ નવસારી, વલસાડ, ડાંગ જિલ્લામાં અતિથી અતિભારે વરસાદની શક્યતા છે. અમરેલી, ભાવનગર, બોટાદ, ભરૂચ, સુરત, તાપી, નર્મદા, છોટા ઉદેપુર જિલ્લામાં ભારેથી અતિભારે વરસાદ વરસી શકે છે. જ્યારે ગીર સોમનાથ, જૂનાગઢ, રાજકોટ, સુરેન્દ્રનગર, અમદાવાદ, આણંદ, ખેડા, વડોદરા, પંચમહાલ, દાહોદ, મહીસાગર, અરવલ્લી, ગાંધીનગર, સાબરકાંઠા, મહેસાણા, બનાસકાંઠા, પાટણ જિલ્લામાં ભારે વરસાદની શક્યતા છે. ઉપરાંત કચ્છ, મોરબી, જામનગર, પોરબંદર, દેવભૂમિ દ્વારકામાં હળવોથી મધ્યમ વરસાદ થઇ શકે છે.
6 સપ્ટેમ્બરના રોજ કયા જિલ્લામાં ખાબકશે અતિભારે વરસાદ?
6 સપ્ટેમ્બર 2025ના રોજ સુરેન્દ્રનગર, સાબરકાંઠા, અરવલ્લી, મહીસાગર જિલ્લામાં અતિથી અતિભારે વરસાદ થઇ શકે છે. જ્યારે મોરબી, રજકોટ, બનાસકાંઠા, મહેસાણા, ગાંધીનગર, ખેડા, પંચમહાલ, દાહોદ જિલ્લામાં ભારેથી અતિભારે વરસાદ થઇ શકે છે. આ ઉપરાંત દેવભૂમિ દ્વારકા, જામનગર, કચ્છ, પોરબંદર, જૂનાગઢ, ગીર સોમનાથ, અમરેલી, ભાવનગર, અમદાવાદ, આણંદ, વડોદરા, છોટા ઉદેપુર, નર્મદા, ભરૂચ, સુરત, તાપી, નવસારી, વલસાડ જિલ્લામાં ભારે વરસાદની આગાહી છે.
7 સપ્ટેમ્બરના રોજ કયા જિલ્લામાં ખાબકશે અતિભારે વરસાદ?
7 સપ્ટેમ્બર 2025ના રોજ કચ્છ જિલ્લામાં અતિથી અતિભારે વરસાદની શક્યતા છે. જ્યારે મોરબી, પાટણષ બનાસકાંઠા, સુરેન્દ્રનગર, ગાંધીનગર, મહેસાણા, સાબરકાંઠા, અરવલ્લી, મહીસાગર જિલ્લામાં ભારેથી અતિભારે વરસાદ થઇ શકે છે. તેમજ જામનગર, દેવભૂમિ દ્વારકા, પોરબંદર, જૂનાગઢ, રાજકોટ, બોટાદ, અમદાવાદ, ખેડા, આણંદ, પંચમહાલ, દાહોદ જિલ્લામાં ભારે વરસાદ થઇ શકે છે. આ ઉપરાંત ગીર સોમનાથ, અમરેલી, ભાવનગર, ભરૂચ, સુરત, નવસારી, વલસાડ સહિત અન્ય જિલ્લાઓમાં હળવોથી મધ્યમ વરસાદની શક્યતા છે.
8 સપ્ટેમ્બરના રોજ કયા જિલ્લામાં ખાબકશે ભારે વરસાદ?
8 સપ્ટેમ્બર 2025ના રોજ કચ્છ, પાટણ, બનાસકાંઠા જિલ્લામાં ભારે વરસાદ થઇ શકે છે. આ ઉપરાંત રાજકોટ, જૂનાગઢ, અમરેલી, ભાવનગર, જામનગર, અમદાવાદ, ગાંધીનગર, મહેસાણા, બનાસકાંઠા, વડોદરા, ભરૂચ, સુરત, તાપી, નવસારી, ડાંગ મહીસાગર સહિત અન્ય જિલ્લાઓમાં હળવોથી મધ્યમ વરસાદ થઇ શકે છે.
9-10 સપ્ટેમ્બરના રોજ હળવોથી મધ્યમ વરસાદની આગાહી
9 અને 10 સપ્ટેમ્બરના રોજ બનાસકાંઠા, પાટણ, મહેસાણા, ગાંધીનગર, અમદાવાદ, ખેડા, આણંદ, વડોદરા, ભરૂચ, મહીસાગર, અરવલ્લી, સાબરકાંઠા, દાહોદ, પંચમહાલ, છોટા ઉદેપુર, નર્મદા, સુરત, તાપી, નવસારી, વલસાડ, ડાંગ જિલ્લામાં અમુક સ્થળોએ ગાજવીજ સાથે હળવોથી મધ્યમ વરસાદ થઇ શકે છે. જ્યારે કચ્છ, મોરબી, સુરેન્દ્રનગર, રાજકોટ, બોટાદ, ભાવનગર, અમરેલી, ગીર સોમનાથ, જૂનાગઢ, પોરબંદર, દેવભૂમિ દ્વારકા, જામનગર જિલ્લામાં ઘણા સ્થળોએ હળવોથી મધ્યમ વરસાદની શક્યતા છે.