Gujarat News Live: પાળિયાદમાં રમતા-રમતા દૌહિત્રી ટાંકામાં પડી તેને બચાવવા નાની પણ કૂદ્યા, બન્નેનાં મોત

પાળીયાદ ગામે પાણીના ટાંકામાં ડૂબી જવાથી 3 વર્ષની ભાણી અને 40 વર્ષના નાનીના મોત થયા છે. નાની બાજુની ચોકડીમાં કપડા ધોતા હતા ત્યારે ભાણી બાજુમાં જ રમતી હતી. રમતા રમતા તે ટાંકા તરફ ગઇ અને ખુલ્લા ટાંકામાં પડી હતી. જે જોઇ જતા તુરંત તેના નાની દોડ્યા અને તેને બચાવવા પાણીના ટાંકામાં પડયા હતા. જેમાં ઉંડા ટાંકામાં ડુબી જતા બન્નેના મોત થયા હતા.

હવામાન વિભાગ દ્વારા અત્યારે કરવામાં આવેલી આગાહી અનુસાર આગામી ત્રણ કલાકમાં છોટાઉદેપુર દાહોદ, નર્મદા, સુરત, તાપી, ડાંગ, નવસારી અને વલસાડ જિલ્લામાં છુટા છવાયા સ્થળોએ હળવો વરસાદ થઈ શકે છે.