Simple Kaul Divorce: 'તારક મહેતા કા ઉલ્ટા ચશ્મા' માં ગુલાબોના પાત્રથી પ્રખ્યાત થયેલી અભિનેત્રી સિમ્પલ કૌલે લગ્નના 15 વર્ષ પછી પતિ રાહુલ લુંબાથી અલગ થવાનો નિર્ણય કર્યો છે. એક મીડિયા પોર્ટલ દ્વારા અભિનેત્રીએ આ વાતની પુષ્ટિ કરી છે. 2010માં લગ્નના બંધનમાં બંધાતા પહેલા આ દંપતી 9 વર્ષ સુધી રિલેશનશિપમાં પણ હતા.
સિમ્પલ કૌરે ડિવોર્સનું કારણ જણાવ્યું
અભિનેત્રીએ બોમ્બે ટાઇમ્સને જણાવ્યું કે અલગ થવાનો નિર્ણય પરસ્પર સહમતિથી લેવામાં આવ્યો છે. પોતાના ડિવોર્સ વિશે ખુલીને વાત કરતા તેણે કહ્યું કે આ નિર્ણય એકબીજાની સંમતિથી લેવાયો છે. અમે બંને ખૂબ જ પરિપક્વ વ્યક્તિ છીએ. અમે એક પરિવારથી પણ વિશેષ છીએ. મારા મનમાં એ વાત નથી આવતી કે આ થઈ ગયું છે કારણ કે હું આ વ્યક્તિને આટલા વર્ષોથી ઓળખું છું.
અભિનેત્રી સિમ્પલે આગળ કહ્યું કે જ્યારે તમારા લગ્ન થાય છે, ત્યારે તમારો પાર્ટનર, તમારો પરિવાર હોય છે. બધું એવું જ રહે છે. હું નથી જાણતી લોકો કેવી રીતે કોઈથી અલગ થઈ જાય છે. આવું મારા મનમાં નથી થતું. હું પ્રેમથી રહું છું. મેં જીવનમાં ખૂબ પ્રેમ મેળવ્યો છે. ખુશીઓ મેળવી છે. આધ્યાત્મિક જાગૃતિ મેળવી છે. આ રીતે અમે રહીએ છીએ.
લોંગ ડિસ્ટન્સ રિલેશનશિપને કારણે તૂટ્યાં લગ્ન?
જોકે સિમ્પલે અલગ થવાનું ચોક્કસ કારણ હજુ આપ્યું નથી. પરંતુ વર્ષ 2023માં એક ઇન્ટરવ્યુમાં તેણે કહ્યું હતું કે તેઓ અને તેમના પતિ લોંગ ડિસ્ટન્સ રિલેશનશિપમાં છે. તે તેમને ખૂબ યાદ કરે છે. સિમ્પલ કૌલે કહ્યું હતું કે તેમના પતિ વિદેશમાં વધુ સમય વિતાવે છે અને મને તેમની યાદ આવે છે, પરંતુ અમારા સંબંધોમાં ખૂબ સારી સમજણ છે અને અમારો સંબંધ ખૂબ મજબૂત છે.
2010 માં કર્યા હતા લગ્ન
સિમ્પલ કૌલ અને રાહુલ લુંબાએ 2010માં લગ્ન કર્યા હતા. એક દાયકાથી પણ વધુ સમયથી પરિણીત આ દંપતીનું વૈવાહિક જીવનમાં લાંબું અંતર હતું. કારણ કે રાહુલ કામના સંબંધમાં ઘણી મુસાફરી કરતા હતા.