Deepika Padukone: બૉલિવૂડની લોકપ્રિય સ્ટાર જોડી દીપિકા પાદુકોણ અને રણવીર સિંહના ફેન્સ માટે એક ખુશખબર છે. હકીકતમાં આ બૉલિવૂડ કપલના ઘરે ફરીથી પારણું બંધાયું છે. જેમાં દીપિકા પાદુકોણેએ બીજી દીકરીને જન્મ આપ્યો છે. આ સમાચાર સામે આવતા જ સોશિયલ મીડિયા પર બન્ને કલાકારોના ફેન્સ ઉપરાંત બૉલિવૂડ સેલેબ્સ દ્વારા શુભેચ્છાઓ પાઠવવામાં આવી રહી છે.
રણવીરસિંહ અને દીપિકા પાદુકોણને પહેલા જ 'દુઆ પાદુકોણ સિંહ' નામે એક દીકરી છે. એવામાં આજે 19 સપ્ટેમ્બર, 2026ના રોજ બીજી દીકરીને જન્મ આપ્યો છે.ખુદ રણવીરસિંહે પોતાના સોશિયલ મીડિયા પ્લેટફોર્મ પર નાના બાળકના પગલાનું ચિત્ર મૂકીને આ ખુશખબર આપી છે.
દીપિકા-રણવીર બીજીવાર માતા-પિતા બન્યા
દીપિકા-રણવીરસિંહની મોટી દીકરી દુઆનો જન્મ 8 સપ્ટેમ્બર, 2024ના રોજ થયો હતો. આમ પ્રથમવાર માતા-પિતા બન્યાના લગભગ 2 વર્ષ બાદ આ બૉલિવૂડ કપલના ઘરે નવા મહેમાનનું આગમન થયું છે.
જણાવી દઈએ કે, દીપિકા પાદુકોણેએ આ વર્ષે જ 19 એપ્રિલ, 2026ના રોજ પોતાની બીજી પ્રેગ્નેન્સી અંગે સત્તાવાર જાહેરાત કરી હતી. દીપિકાએ ઈન્સ્ટાગ્રામ પર દીકરી 'દુઆ'ની તસવીર શેર કરી હતી, જેમાં તે પોઝિટિવ પ્રેગ્નેન્સી ટેસ્ટ કિટ પકડીને જોવા મળી હતી.
6 વર્ષ સુધી ડેટિંગ કર્યાં બાદ રણવીર-દીપિકાના લગ્ન
વર્ષ 2012માં આવેલી ફિલ્મ 'રામલીલા'ના શુટિંગ દરમિયાન દીપિકા પાદુકોણ અને રણવીરસિંહ વચ્ચે પ્રેમપાંગર્યો હતો. લગભગ 6 વર્ષ સુધી એકબીજાને ડેટ કર્યાં બાદ આખરે નવેમ્બર-2018માં ઈટાલીના લેક કોમોમાં બન્ને જણા લગ્નગ્રંથિથી બંધાયા હતા. દીપિકા અને રણવીરે કોંકણી અને સિંધી એમ બન્ને રિવાજ પ્રમાણે લગ્ન કર્યાં હતા.