Diwali 2026 Gujarati Calendar: દિવાળી કઈ તારીખે છે 2026? જાણો તારીખ, લક્ષ્મી પૂજન, ચોપડા પૂજન મુહૂર્ત અને દિવાળી કેલેન્ડર

Diwali 2026 Gujarati Calendar (દિવાળી 2026 ગુજરાતી કેલેન્ડર): હિન્દુ ધર્મનો સૌથી મોટો અને મહત્વપૂર્ણ તહેવાર દિવાળી (Diwali 2026) , જેને દીપાવલી પણ કહેવામાં આવે છે, તે પ્રકાશના પર્વ તરીકે ઓળખાય છે. આ તહેવાર આધ્યાત્મિક રીતે અંધકાર પર પ્રકાશ, અજ્ઞાન પર જ્ઞાન, અનિષ્ટ પર સારા અને નિરાશા પર આશાના વિજયનું પ્રતીક છે. આ પાંચ દિવસીય ઉત્સવ દરમિયાન વિવિધ દેવતાઓ, ખાસ કરીને દેવી લક્ષ્મી અને ભગવાન ગણેશની પૂજા કરવામાં આવે છે. આ વર્ષે એટલે કે 2026માં દિવાળી ક્યારે છે? જાણો તારીખ, લક્ષ્મી પૂજન, ચોપડા પૂજન મુહૂર્ત અને દિવાળી કેલેન્ડર.

દિવાળી કઈ તારીખે છે 2026 (Diwali 2026 Date and Muhurat)

આસો મહિનાની અમાવસ્યા તિથિ 08 નવેમ્બરના રોજ સવારે 11:27 વાગ્યે પ્રારંભ થશે અને 09 નવેમ્બરના રોજ બપોરે 12:31 વાગ્યે સમાપ્ત થશે. આ વર્ષે દિવાળીનો તહેવાર 08 નવેમ્બરે ઉજવાશે. આ પવિત્ર દિવસે માતા લક્ષ્મીની પૂજા કરવામાં આવે છે, જેનાથી ઘરમાં ધન, સુખ અને સમૃદ્ધિનું આગમન થાય છે.

દિવાળી 2026 લક્ષ્મી પૂજા મુહૂર્ત (Lakshmi Puja 2026 Date and Muhurat)

દિવાળીના દિવસે લક્ષ્મી પૂજા મુહૂર્ત સાંજે 06:22 થી 08:20 વાગ્યા સુધીનો છે. (પૂજાનો કુલ સમયગાળો: 01 કલાક 58 મિનિટ)

• પ્રદોષ કાળ: સાંજે 05:58 થી 08:32 વાગ્યા સુધી.
• વૃષભ કાળ: સાંજે 06:22 થી 08:20 વાગ્યા સુધી.

દિવાળી 2026 ચોપડા પૂજન શુભ મુહૂર્ત (Chopda Pujan 2026 Date and Muhurat)

આ વર્ષે દિવાળીના દિવસે ચોપડા પૂજન 08 નવેમ્બર 2026, રવિવારના રોજ ઉજવવામાં આવશે. દ્રિકપંચાંગ અનુસાર, દિવાળી ચોપડા પૂજા માટેના શુભ ચોઘડિયા મુહૂર્ત નીચે મુજબ છે.

• સવારે મુહૂર્ત (ચલ, લાભ, અમૃત) - 11:27 AM થી 12:23 PM
• બપોરે મુહૂર્ત (શુભ) - 01:47 PM થી 03:11 PM
• સાંજે મુહૂર્ત (શુભ, અમૃત, ચલ) - 05:58 PM થી 10:47 PM
• રાત્રિ મુહૂર્ત (લાભ) - 02:00 AM થી 03:36 AM, નવેમ્બર 09
• વહેલી સવારે મુહૂર્ત (શુભ) - 05:13 AM થી 06:49 AM, નવેમ્બર 09

ધનતેરસ 2026 તારીખ અને પૂજા મુહૂર્ત (Dhanteras 2026 Date and Time)

આસો મહિનાના કૃષ્ણ પક્ષની ત્રયોદશી તિથિ 06 નવેમ્બરના સવારે 10:30 વાગ્યે પ્રારંભ થશે અને 07 નવેમ્બરના સવારે 10:47 વાગ્યે સમાપ્ત થશે. આવી સ્થિતિમાં, ધનતેરસનો પવિત્ર તહેવાર આ વર્ષે 6 નવેમ્બર, શુક્રવારના રોજ ઉજવવામાં આવશે. આ દિવસે ખરીદીનું વિશેષ મહત્વ માનવામાં આવે છે, કારણ કે તે સમૃદ્ધિ અને સદભાગ્ય સાથે જોડાયેલો છે.

ધનતેરસના શુભ મુહૂર્ત 2026 (Dhanteras 2026 Muhurat)

ધનતેરસના દિવસે પૂજાનો શુભ મુહૂર્ત સાંજે 06:30 થી 08:28 વાગ્યા સુધી રહેશે. (કુલ સમય: 01 કલાક 58 મિનિટ).

ધનતેરસ પૂજા વિધિ (Dhanteras Puja Vidhi)

• ધનતેરસના દિવસે વહેલી સવારે ઉઠીને સ્નાન કરીને સ્વચ્છ વસ્ત્રો ધારણ કરો.
• ત્યારબાદ મંદિરની સફાઈ કરીને સૂર્યદેવને જળ અર્પણ કરો.
• ચોકી પર દેવી લક્ષ્મી, ભગવાન ધન્વંતરી અને કુબેરજીની મૂર્તિઓ સ્થાપિત કરો.
• દીવો પ્રગટાવી ચંદનથી તિલક કરીને આરતી કરો અને ભગવાન ગણેશજીની પણ પૂજા કરો.
• કુબેરજીના મંત્ર 'ॐ ह्रीं कुबेराय नमः' નો 108 વાર જાપ કરો અને ધન્વંતરી સ્તોત્રનો પાઠ કરો.
• ત્યારબાદ મીઠાઈ, ફળ અને અન્ય નૈવેદ્ય અર્પણ કરીને શ્રદ્ધા મુજબ દાન કરો.
• માન્યતા છે કે આ વિધિ કરવાથી આર્થિક સમૃદ્ધિ મળે છે અને આર્થિક સમસ્યાઓમાંથી મુક્તિ પ્રાપ્ત થાય છે.

કાળી ચૌદસ 2026 તારીખ (Kali Chaudas 2026 Date and Muhurat)

દિવાળીના એક દિવસ પહેલા છોટી દિવાળી ઉજવવામાં આવે છે, જેને કાળી ચૌદસ અને નરક ચતુર્દશી તરીકે પણ ઓળખવામાં આવે છે. આસો મહિનાના કૃષ્ણ પક્ષની ચતુર્દશી તિથિનો પ્રારંભ 7 નવેમ્બરે સવારે 10:47 વાગ્યે થશે અને તેનો અંત 8 નવેમ્બરે સવારે 11:27 વાગ્યે થશે. આવી સ્થિતિમાં, આ વર્ષે કાળી ચૌદસ 7 નવેમ્બર 2026ના રોજ ઉજવાશે.

ગોવર્ધન પૂજા 2026 તારીખ (Govardhan Puja 2026 Date and Muhurat)

દિવાળીના બીજા દિવસે ગોવર્ધન પૂજાનો તહેવાર ઉજવવામાં આવે છે, જેને અન્નકૂટ પૂજા તરીકે પણ ઓળખવામાં આવે છે. કારતક માસના શુક્લ પક્ષની પ્રતિપદા તિથિ 09 નવેમ્બરના રોજ બપોરે 12:31 વાગ્યે શરૂ થશે, જે બીજા દિવસે 10 નવેમ્બરના રોજ બપોરે 02:00 વાગ્યે પૂર્ણ થશે. આ વર્ષે ગોવર્ધન પૂજા 09 નવેમ્બર, 2026 સોમવારના રોજ ઉજવાશે. આ જ દિવસે ગુજરાતી વિક્રમ સંવત 2083 (Gujarati Vikram Samvat 2083) ની શરૂઆત થશે.

ગુજરાતી નવું વર્ષ 2026 તારીખ (Gujarati New Year 2026 Date and Muhurat)

કારતક માસના શુક્લ પક્ષની પ્રતિપદા તિથિ 09 નવેમ્બરના રોજ બપોરે 12:31 વાગ્યે શરૂ થશે, જે બીજા દિવસે 10 નવેમ્બરના રોજ બપોરે 02:00 વાગ્યે પૂર્ણ થશે. આવી સ્થિતિમાં, 10 નવેમ્બરના રોજ ગુજરાતમાં નવું વર્ષ એટલે કે બેસતું વર્ષ (Bestu Varsh 2026) ઉજવવામાં આવે છે.

ભાઈ બીજ 2026 તારીખ (Bhai Dooj 2026 Date and Muhurat)

દર વર્ષે કારતક શુક્લ દ્વિતિયા તિથિના દિવસે ભાઈ બીજનો પાવન તહેવાર ઉજવવામાં આવે છે. કારતક મહિનાની શુક્લ પક્ષની દ્વિતિયા તિથિ 10 નવેમ્બર બપોરે 2:00 વાગ્યે શરૂ થશે અને 11 નવેમ્બર બપોરે 03:53 વાગ્યે પૂર્ણ થશે. આ વર્ષે ભાઈ બીજ 11 નવેમ્બર, બુધવારના રોજ ઉજવાશે. આ દિવસે તિલક માટેનું શ્રેષ્ઠ મુહૂર્ત 11 નવેમ્બરના રોજ બપોરે 01:30 થી 03:43 સુધી રહેશે. (કુલ સમયગાળો: 02 કલાક અને 13 મિનિટ)

લાભ પાંચમ 2026 તારીખ (Labh Pancham 2026 Date and Muhurat)

ગુજરાતી કેલેન્ડર અનુસાર, કારતક સુદ પાંચમને લાભ પાંચમ તરીકે ઓળખવામાં આવે છે. નવા વર્ષમાં આ તહેવાર 14 નવેમ્બર 2026, શનિવારના રોજ ઉજવાશે.

દેવ દિવાળી 2026 તારીખ (Dev Diwali 2026 Date and Muhurat)

કારતક પૂર્ણિમાના દિવસે દેવ દિવાળીની ઉજવણી થાય છે. આ વર્ષે દેવ દિવાળી 24 નવેમ્બર, 2026 ના રોજ મનાવવામાં આવશે.

દિવાળી 2026 કેલેન્ડર (Diwali 2026 Gujarati Calendar)

દિવાળીનું મહત્વ (Diwali 2026 Significance)

દિવાળી, જેને પ્રકાશના પર્વ તરીકે પણ ઓળખવામાં આવે છે, તે હિન્દુ ધર્મનો સૌથી મોટો અને મહત્વપૂર્ણ તહેવાર છે. કાર્તિક મહિનાની અમાસના દિવસે દેશભરમાં આ તહેવાર ખૂબ જ ઉત્સાહ અને ઉમંગ સાથે મનાવવામાં આવે છે. આ દિવસે ઘરોને દીવા, રોશની અને રંગોળીથી શણગારવામાં આવે છે અને સુખ-સમૃદ્ધિ માટે દેવી લક્ષ્મી અને ભગવાન ગણેશની પૂજા કરવામાં આવે છે.

દિવાળીનો તહેવાર અનેક પૌરાણિક કથાઓ સાથે જોડાયેલો છે. સૌથી પ્રચલિત માન્યતા અનુસાર, 14 વર્ષના વનવાસ બાદ ભગવાન શ્રી રામ, માતા સીતા અને લક્ષ્મણ સાથે અયોધ્યા પાછા ફર્યા હતા. તેમના આગમનની ખુશીમાં અયોધ્યાના લોકોએ આખું નગર દીવાઓથી શણગાર્યું હતું અને તેમનું ભવ્ય સ્વાગત કર્યું હતું. ત્યારથી આ દિવસને અસત્ય પર સત્યના વિજયના પ્રતીક તરીકે ઉજવવામાં આવે છે.

બીજી એક ધાર્મિક માન્યતા અનુસાર, દિવાળીનો દિવસ દેવી લક્ષ્મીને સમર્પિત છે. એવું મનાય છે કે આ દિવસે દેવી લક્ષ્મી પૃથ્વી પર ભ્રમણ કરે છે અને જે ઘરો સ્વચ્છ અને રોશનીથી ઝળહળતા હોય છે, ત્યાં તેઓ પ્રવેશ કરી ધન અને સમૃદ્ધિના આશીર્વાદ આપે છે. આથી, લોકો પોતાના ઘરોની સફાઈ કરે છે અને રાત્રે દીવાઓ પ્રગટાવીને દેવીનું સ્વાગત કરે છે.