IPO માર્કેટમાં ધમધમાટ, આગામી સપ્તાહમાં ચાર નવા IPO ખુલશે; જાણો પ્રાઇસ બેન્ડ અને લેટેસ્ટ GMP

Upcoming IPO Next Week: આગામી સપ્તાહે શેરબજારમાં 4 નવા IPO ખુલવા જઈ રહ્યા છે. જાણો તેમના પ્રાઇસ બેન્ડ, લોટ સાઈઝ અને લેટેસ્ટ GMP વિશે સંપૂર્ણ માહિતી.

By: Dharmendra ThakurEdited By:Dharmendra ThakurPublish Date: Sun, 08 Mar 2026 10:34 AM (IST)Updated: Sun, 08 Mar 2026 10:35 AM (IST)
upcoming-ipo-next-week-rajputana-stainless-innovision-apsis-aerocom-raajmarg-infra-invit-ipo-gmp

Upcoming IPO Next Week: શેરબજારમાં રોકાણ કરનારાઓ માટે આગામી સપ્તાહ ખૂબ જ મહત્ત્વનું સાબિત થવાનું છે. આગામી સપ્તાહમાં કુલ 4 કંપનીઓના IPO સબસ્ક્રિપ્શન માટે ખુલવા જઈ રહ્યા છે. જેમાં રાજપૂતાના સ્ટેનલેસ, ઇનોવિઝન, એપ્સિસ એરોકોમ અને રાજમાર્ગ ઇન્ફ્રા ઇન્વેસ્ટમેન્ટ ટ્રસ્ટ (InvIT) નો સમાવેશ થાય છે. આ પૈકી ત્રણ કંપનીઓ મેઈન બોર્ડ પર લિસ્ટ થશે, જ્યારે એપ્સિસ એરોકોમ SME સેગમેન્ટમાં પ્રવેશ કરશે.

રાજપૂતાના સ્ટેનલેસ (Rajputana Stainless IPO)

  • રાજપૂતાના સ્ટેનલેસનો IPO સોમવાર, 9 માર્ચથી ખુલી રહ્યો છે અને 11 માર્ચના રોજ બંધ થશે.
  • પ્રાઇસ બેન્ડ: 116 થી 122 રૂપિયા પ્રતિ શેર.
  • લોટ સાઈઝ: લઘુત્તમ 110 શેર.
  • GMP અપડેટ: InvestorGain ના રિપોર્ટ અનુસાર, 8 માર્ચના રોજ આ કંપનીનું ગ્રે માર્કેટ પ્રીમિયમ (GMP) માત્ર 2 રૂપિયા જોવા મળી રહ્યું છે.

ઇનોવિઝન (Innovision IPO)

  • સુરક્ષા અને મેનેજમેન્ટ સેવાઓ સાથે સંકળાયેલી ઇનોવિઝન કંપનીનો IPO 10 માર્ચથી 12 માર્ચ દરમિયાન ખુલશે.
  • પ્રાઇસ બેન્ડ: 521 થી 548 રૂપિયા પ્રતિ શેર.
  • લોટ સાઈઝ: લઘુત્તમ 27 શેર.
  • GMP અપડેટ: હાલમાં આ IPO માટે ગ્રે માર્કેટમાં કોઈ હલચલ જોવા મળી નથી, અને GMP 0 પર ટ્રેડ કરી રહ્યો છે.

એપ્સિસ એરોકોમ (Apsis Aerocom IPO - SME)

  • SME કેટેગરીમાં એપ્સિસ એરોકોમનો IPO 11 માર્ચના રોજ સબસ્ક્રિપ્શન માટે ખુલશે અને 13 માર્ચે બંધ થશે.
  • પ્રાઇસ બેન્ડ: 104 થી 110 રૂપિયા પ્રતિ શેર.
  • લોટ સાઈઝ: 1,200 શેરનો એક લોટ.
  • GMP અપડેટ: હાલ આ કંપનીનો GMP પણ શૂન્ય (0) સ્તરે છે.

રાજમાર્ગ ઇન્ફ્રા ઇન્વેસ્ટમેન્ટ ટ્રસ્ટ (Raajmarg Infra Investment Trust InvIT IPO)

  • આ ઇન્ફ્રાસ્ટ્રક્ચર ટ્રસ્ટનો IPO પણ 11 માર્ચથી 13 માર્ચ દરમિયાન રોકાણ માટે ખુલ્લો મુકાશે.
  • પ્રાઇસ બેન્ડ: કંપની દ્વારા પ્રાઇસ બેન્ડ અને લોટ સાઈઝની જાહેરાત હજુ સુધી કરવામાં આવી નથી.
  • GMP અપડેટ: માર્કેટમાં હાલમાં આનો GMP 0 નોંધાયો છે.