EPS Calculation:રિટાયરમેન્ટ બાદ આર્થિક રીતે આત્મનિર્ભર બનવા માટે કર્મચારી ભવિષ્ય નિધિ સંગઠન(EPFO)ની કર્મચારી પેન્શન યોજના(EPS) એ મોટો સહારો બનીને ઉભરી શકે છે. જોકે EPF કવરેજ માટે બેઝીક પગારની મહત્તમ મર્યાદા(Wage Ceiling)ને રૂપિયા 15,000થી વધી રૂપિયા 25,000 કરવામાં આવ્યા છે. આ સંજોગોમાં તમે 10 વર્ષની નોકરી કરે છે અને તમારા પગાર રૂપિયા 42000 છે, તો તમારું પેન્શન(Pension) કેટલું બને છે તે અંગે માહિતી મેળવશું.
અત્રે ઉલ્લેખનીય છે કે કર્મચારી ભવિષ્ય નિધિ એટલે કે EPFને લગતા નિયમો પ્રમાણે રેગ્યુલર માસિક પેન્શન મેળવવા માટે પણ કર્મચારીને ઓછામાં ઓછા 10 વર્ષની પેન્શન યોગ્ય સેવા સંપૂર્ણપણે ફરજિયાત છે.
શું છે ફોર્મ્યુલા?
EPFO પ્રમાણે EPS પેન્શનની ફોર્મ્યુલા છે-
માસિક પેન્શન = (પેન્શનેબલ પગાર ×પેન્શનેબલ સર્વિસ) ÷ 70
* પેન્શન યોગ્ય પગાર (Pensionable Salary): અંતિમ 60 મહિનાનો સરેરાશ પગારના આધાર પર
* પેન્શન યોગ્ય સર્વિસ (Pensionable Service): EPSમાં યોગદાન ધરાવતા કૂલ વર્ષોની સંખ્યા
રૂપિયા 42000 પગાર પર 10 વર્ષમાં કેટલું બનશે પેન્શન
હવે એ બાબત સમજીએ કે જો તમારા પેન્શન યોગ્ય પગાર રૂપિયા 42000 છે અને તમારું યોગદાન સીલિંગ લિમિટથી ઉંચી અસલી પગાર પર થઈ રહેલ છે તો પેન્શનની ગણતરી આ પ્રકારે છેઃ
10 વર્ષની નોકરી પરઃ 42000 X 10 / 70 = 6000
એટલે કે રૂપિયા 42000 પગાર થવા પર 10 વર્ષની નોકરી પર તમારે દર મહિને આશરે રૂપિયા 6000ની ગેરન્ટેડ પેન્શન મળશે.