Dussehra Bonus 2026:કેન્દ્રીય કર્મચારીઓને માટે દશેરાના સમયમાં બોનસ અંગે મહત્વની માહિતી સામે આવી છે. બોનસની ગણતરી માટે ઉપયોગ કરવામાં આવતા પગાર લિમિટને વધારવાની માંગ કરવામાં આવી છે. નેશનલ કાઉન્સિલ JCM સ્ટાફ સાઈડે સરકારને તેને લગતા રૂપિયા 7000થી વધારી રૂપિયા 21000 કરવાની માંગ કરી છે.
સરકાર આ માંગને મંજૂરી આપે છે તો બોનસની ગણતરી માટે ઉપયોગ કરવામાં આવતા પગારના આધારને ત્રણ ગણા કરી શકે છે. તેની સીધી અસર કર્મચારીઓને મળતા બોનસ પર થઈ શકે છે. આ માંગ એવા સમયે આવી છે કે જયારે 8માં પગાર પંચ પણ સરકારી કર્મચારીઓના પગાર અને ભથ્થાની સમીક્ષા કરી રહી છે.
રૂપિયા 7,000ને બદલે રૂપિયા 21,000
હાલમાં, બોનસ ગણતરી મર્યાદા રૂપિયા 7,000 છે. જોકે, નેશનલ કાઉન્સિલ JCM સ્ટાફ સાઈડે માંગ કરી છે કે તેને વધારીને રૂપિયા 21,000 કરવામાં આવે. કર્મચારી સંગઠનનો તર્ક છે કે કેન્દ્ર સરકારનું લઘુત્તમ વેતન રૂપિયા 21,000 હોવાથી આ રકમનો ઉપયોગ બોનસ ગણતરી માટે પણ થવો જોઈએ. જો સરકાર આ સ્વીકારે છે તો ગણતરીનો આધાર રૂપિયા 7,000 ની વર્તમાન મર્યાદાથી ત્રણ ગણો થઈ જશે.
આ ફેરફારની સૌથી મોટી અસર કેન્દ્ર સરકાર દ્વારા દશેરાની આસપાસ કર્મચારીઓને આપવામાં આવતા બોનસ પર પડી શકે છે. જો બોનસની ગણતરી રૂપિયા 7,000 ને બદલે રૂપિયા 21,000 કરવામાં આવે તો સમાન બોનસ દર હેઠળ બોનસની રકમ લગભગ ત્રણ ગણી વધી શકે છે. જો કે, આનો અર્થ એ નથી કે દરેક કર્મચારીને ત્રણ ગણું બોનસ મળશે. વાસ્તવિક બોનસ કર્મચારી કયા પ્રકારના બોનસ માટે પાત્ર છે અને અંતિમ સરકારી આદેશમાં દર્શાવેલ નિયમો પર આધારિત રહેશે.