LPG e-KYC:ઓક્ટોબર મહિનાથી શરૂ થવા જઈ રહ્યો છે અને મહિનાની પહેલી તારીખ તમારા માટે અનેક રીતે ખાસ મહત્વની છે. આ સંજોગોમાં જો તમે LPG સિલેન્ડર ધરાવો છો તો 1લી ઓક્ટોબરી એટલે કે નવા મહિનાથી મોટો ફેરફાર આવી રહ્યો છે. હવે ગેસ સિલેન્ડરની ડિલીવરી મેળવતી વખતે તમને OTP આપવો પડશે.
હકીકતમાં અત્યાર સુધીમાં તો OTP વગર સિલેન્ડર આપવામાં આવતો હતો, જોકે હવે આવતીકાલથી આ પ્રોસેસને અગાઉથી વધારે કડક કરવામાં આવશે. હવે જ્યારે સિલેન્ડરની ડિલીવરી મેળવશો ત્યારે મોબાઈલ ફોન પર એક OTP આવશે, જે તમારે આપવો જરૂરી છે. એટલે કે હવે 1લી ઓક્ટોબરથી OTP વેરિફિકેશનના સિલેન્ડરની ડિલીવરી મેળવવામાં મુશ્કેલી આવી શકે છે.
આ પ્રક્રિયા કેવી રીતે પૂર્ણ થશે?
જ્યારે તમે સિલિન્ડર બુક કરશો ત્યારે તમને તમારા રજિસ્ટર્ડ મોબાઇલ નંબર પર એક OTP (ડિલિવરી ઓથેન્ટિકેશન કોડ) મળશે. બુકિંગ કર્યા પછી આ કોડ તમારા રજિસ્ટર્ડ મોબાઇલ નંબર પર મોકલવામાં આવશે અને તમારે તેને સિલિન્ડર તમારા ઘરે પહોંચાડાય ત્યાં સુધી રાખવો પડશે.આ OTP ડિલિવરી કરનાર વ્યક્તિ સાથે શેર કરવામાં આવશે. જ્યારે ડિલિવરી કરનાર વ્યક્તિ સિલિન્ડર ડિલિવરી કરવા આવશે ત્યારે તમારે પહેલા આ OTP તેમની સાથે શેર કરવો પડશે. ત્યારબાદ ડિલિવરી કરનાર વ્યક્તિ તેમની એપમાં OTP દાખલ કરશે અને ડિલિવરી પૂર્ણ કરશે.
શું તમને OTP વગર સિલિન્ડર નહીં મળે?
હા નવા નિયમો હેઠળ, OTP આપવો હવે ફરજિયાત છે. તેથી જ્યારે તમારા ઘરે સિલિન્ડર ડિલિવર કરવામાં આવે ત્યારે તમારો રજિસ્ટર્ડ મોબાઇલ નંબર હાથમાં રાખો અને ડિલિવરી કરનાર વ્યક્તિ સાથે OTP શેર કરો. ધ્યાનમાં રાખો આ નિયમ આવતીકાલે 1 ઓક્ટોબરથી અમલમાં આવશે.
આ નિયમ પાછળનો હેતુ શું છે?
આ નિયમ પાછળનો હેતુ ડિલિવરી સમયે OTP મેળવીને સિલિન્ડર ડિલિવરીને વધુ સુરક્ષિત બનાવવાનો છે. આ સિલિન્ડરના કાળાબજાર અને છેતરપિંડીવાળા બુકિંગને રોકવામાં નોંધપાત્ર રીતે મદદ કરશે. તેનો અર્થ એ છે કે સિલિન્ડર ડિલિવરી સમયે OTP આપવાથી ખાતરી થશે કે સિલિન્ડર યોગ્ય ગ્રાહકને પહોંચાડવામાં આવી રહ્યો છે.