Gold Silver Price Crash: સોના-ચાંદીના ભાવમાં ઐતિહાસિક કડાકો! એક જ સપ્તાહમાં ચાંદી ₹25,472 અને સોનું ₹11,916 સસ્તું થયું; જાણો લેટેસ્ટ રેટ

ચાલુ સપ્તાહ દરમિયાન સોના અને ચાંદી બંને કિંમતી ધાતુઓના ભાવમાં તીવ્ર ઘટાડો નોંધાયો છે. ખાસ કરીને ચાંદીના ભાવમાં એક જ સપ્તાહમાં ₹25,472 નો મોટો કડાકો બોલી ગયો છે, જ્યારે 24 કેરેટ સોનાના ભાવમાં પણ પ્રતિ 10 ગ્રામ ₹11,916 નો નોંધપાત્ર ઘટાડો જોવા મળ્યો છે.

By: Mukesh JoshiEdited By:Mukesh JoshiPublish Date: Sun, 22 Nov 2026 01:44 PM (IST)Updated: Sun, 22 Nov 2026 01:44 PM (IST)
gold-silver-price-crash-this-week-silver-falls-25472-gold-11916-ibja-latest-rates-gujarati-news
સોના-ચાંદીના ભાવ ઘટ્યા

Gold Silver Price Crash This Week: બુલિયન બજારમાં રોકાણકારો અને ગ્રાહકો માટે આ સપ્તાહ મોટા ઉતાર-ચઢાવભર્યું રહ્યું છે. ચાલુ સપ્તાહ દરમિયાન સોના અને ચાંદી બંને કિંમતી ધાતુઓના ભાવમાં તીવ્ર ઘટાડો નોંધાયો છે. ખાસ કરીને ચાંદીના ભાવમાં એક જ સપ્તાહમાં ₹25,472 નો મોટો કડાકો બોલી ગયો છે, જ્યારે 24 કેરેટ સોનાના ભાવમાં પણ પ્રતિ 10 ગ્રામ ₹11,916 નો નોંધપાત્ર ઘટાડો જોવા મળ્યો છે.

IBJA મુજબ સોનાના ભાવમાં કેટલો ઘટાડો થયો?

'ઇન્ડિયા બુલિયન એન્ડ જ્વેલર્સ એસોસિએશન' (IBJA) દ્વારા જાહેર કરાયેલા આંકડા અનુસાર, સપ્તાહની શરૂઆતમાં 10 ગ્રામ દીઠ ₹1,35,809 ના સ્તરે રહેલું 24 કેરેટ સોનું હવે ઘટીને ₹1,23,893 પર આવી ગયું છે. આમ, એક જ સપ્તાહમાં શુદ્ધ સોનું ₹11,916 સસ્તું થયું છે.

  • 22 કેરેટ સોનું: 10 ગ્રામ દીઠ ₹1,24,401 થી ઘટીને ₹1,13,486 ના સ્તરે પહોંચી ગયું છે.
  • 18 કેરેટ સોનું: 10 ગ્રામ દીઠ ₹1,01,857 થી ઘટીને ₹92,920 થઈ ગયું છે.

સપ્તાહ દરમિયાન ભાવની ચાલ પર નજર કરીએ તો, સોનાનો સૌથી ઊંચો ભાવ 16 નવેમ્બરના રોજ સવારના સત્રમાં પ્રતિ 10 ગ્રામ ₹1,34,971 નોંધાયો હતો, જ્યારે સૌથી નીચો ભાવ 20 નવેમ્બરના રોજ સવારના સત્રમાં ₹1,23,584 જોવા મળ્યો હતો.

ચાંદીમાં ₹25,472 નો મોટો કડાકો

સોનાની સાથે ચાંદીના ભાવમાં પણ જોરદાર વેચવાલીનું દબાણ જોવા મળ્યું છે. એક સપ્તાહ પહેલાં પ્રતિ 1 કિલોગ્રામ ₹1,78,000 ના ભાવે વેચાતી ચાંદીમાં ₹25,472 નો તીવ્ર ઘટાડો થયો છે અને હવે તે ₹1,52,528 પ્રતિ કિલોગ્રામના સ્તરે આવી ગઈ છે. આ સપ્તાહ દરમિયાન ચાંદીનો સૌથી ઊંચો ભાવ 16 નવેમ્બરના સાંજના સત્રમાં ₹1,70,251 પ્રતિ કિલો નોંધાયો હતો, જ્યારે સૌથી નીચો ભાવ 20 નવેમ્બરના સવારના સત્રમાં ₹1,50,650 પ્રતિ કિલો રહ્યો હતો.

વૈશ્વિક બજારમાં ઘટાડો અને નિષ્ણાતોનું વિશ્લેષણ

માત્ર ઘરેલું બજાર જ નહીં, પરંતુ આંતરરાષ્ટ્રીય બજારોમાં પણ સોના-ચાંદીના ભાવ તૂટ્યા છે. COMEX પર સોનાના ભાવમાં લગભગ 9% નો ઘટાડો થતાં તે પ્રતિ ઔંસ $3,539 પર આવી ગયું છે, જ્યારે ચાંદીમાં આશરે 16% ના કડાકા સાથે ભાવ પ્રતિ ઔંસ $41.08 પર પહોંચ્યા છે.

બજાર નિષ્ણાતોના મતે, સપ્તાહ દરમિયાન લગભગ 9% જેટલું મોટું 'પ્રોફિટ-બુકિંગ' (નફાવસૂલી) થવાથી સોનાના ભાવ ₹1,22,500 ના સ્તર તરફ ધકેલાયા હતા. આ ઉપરાંત, રૂપિયામાં મજબૂતી અને COMEX પર નરમાઈના બેવડા પરિબળોને કારણે સ્થાનિક બજારમાં વેચવાલીનું દબાણ વધ્યું હતું.

હાલમાં આંતરરાષ્ટ્રીય બજારમાં $3,500 નું સ્તર એક મહત્વપૂર્ણ 'સપોર્ટ' (આધાર) તરીકે જળવાયેલું છે. હવે સમગ્ર બજારની નજર 9 ડિસેમ્બર, 2026 ના રોજ યોજાનારી યુએસ ફેડરલ રિઝર્વની નીતિ વિષયક બેઠક પર ટકેલી છે. વ્યાજ દરોમાં સંભવિત 50 બેસિસ પોઈન્ટના વધારાની અપેક્ષાઓને કારણે આગામી દિવસોમાં પણ બુલિયન માર્કેટમાં અસ્થિરતા (volatility) જળવાઈ શકે છે. ટેકનિકલ દૃષ્ટિકોણથી સોના માટે $3,450–$3,500 અને ત્યારબાદ $3,300 પ્રતિ ઔંસના સ્તરે મહત્વના સપોર્ટ છે, જ્યારે ઉપરની તરફ $3,650–$3,700 પ્રતિ ઔંસની શ્રેણીમાં મજબૂત 'રેઝિસ્ટન્સ' (અવરોધ) જોવા મળી રહ્યો છે.