Gold News:સોના(Gold)ની કિંમતોમાં તાજેતરના સમયમાં જે ભારે અફરા-તફરીની સ્થિતિ જોવા મળી રહી છે ત્યારે સામાન્ય નાગરિકો આ કિંમતી ધાતુની ખરીદીની લઈ એક જટિલ વિચારમાં છે. તાજેતરની તેજી બાદ હવે સોનામાં મંદીમય સ્થિતિ જોવા મળી રહી છે. શું સોનાની ખરીદીમાં ઉતાવળના સંજોગોમાં આ પ્રકારનો નિર્ણય તમને મોટું નુકસાન કરી શકે છે.
જો તમે પણ તહેવારોની મોસમમાં સોનું ખરીદવાનું વિચારી રહ્યા છો, તો તમારા માટે આ 7 બાબતો જાણવી ખૂબ જ મહત્વપૂર્ણ છે.
હોલમાર્ક વગર સોનું ન ખરીદશો
સોનું ખરીદતી વખતે, BIS હોલમાર્ક (BIS Hallmark)તપાસવું ખૂબ જ મહત્વપૂર્ણ છે.ફક્ત ઝવેરીના મીઠા શબ્દો પર આધાર રાખશો નહીં.અસલી સોનાની ઓળખ BIS લોગો અને 6-અંકનો HUID નંબર છે.
કેરેટનું ગણિત
સોનાની શુદ્ધતા કેરેટમાં માપવામાં આવે છે અને તેની સીધી અસર તેની કિંમત પર થાય છે. હંમેશા જ્વેલરી પર લખેલ નંબર ધ્યાન આપોઃ
- જો તે 24 કેરેટ સોનું હોય તો તે 999 લખેલ હોય છે.
- જો તે 22 કેરેટ સોનું હોય તો તે 916 લખેલ થયેલ છે.
- જો તે 18 કેરેટ સોનું હોય તો તે 750 લખેલ થયેલ છે.
- યાદ રાખો, કેરેટ જેટલું ઊંચું હશે તેટલું શુદ્ધ સોનું.
પોતે જ કરો અસલી-નકલીની ઓળખ
આજના ડિજિટલ યુગમાં તમારે ઝવેરી પર આંધળો વિશ્વાસ કરવાની જરૂર નથી. તમે તમારા સ્માર્ટફોનનો ઉપયોગ કરીને અસલી કે નકલી સોનાને ઓળખી શકો છો. BIS કેર એપનો ઉપયોગ કરો અને દાગીનાની શુદ્ધતા અને સંપૂર્ણ માહિતી ચકાસવા માટે તેનો HUID નંબર દાખલ કરો.
પાકુ બિલ અને ઈનવોઈસને લઈ કોઈ ભૂલ ન કરશો
સોનું ખરીદતી વખતે ઝવેરી પાસેથી યોગ્ય બિલ લેવાનું ક્યારેય ભૂલશો નહીં. ખાતરી કરો કે તમારા બિલમાં સોનાનું વજન, કેરેટ, HUID નંબર અને મેકિંગ ચાર્જ સ્પષ્ટ રીતે લખેલા હોય. તમારે એ પણ ધ્યાન રાખવું જોઈએ કે સોના પર 3% GST અને મેકિંગ ચાર્જ પર 5% GST વસૂલવામાં આવે છે.
લેબ ટેસ્ટ કરાવવાનો અધિકાર
શું તમને ખરીદેલા સોનાની શુદ્ધતા અંગે કોઈ શંકા છે? ચિંતા કરશો નહીં. તમે ફક્ત રૂપિયા 200 માં કોઈપણ BIS-માન્યતા પ્રાપ્ત લેબમાં તમારા સોનાનું પરીક્ષણ કરાવી શકો છો. નિયમો પ્રમાણે જો તમારું સોનું ઓછું શુદ્ધ નીકળે છે તો ઝવેરી તમને વળતર આપવા માટે બંધાયેલા છે.
પેપર ગોલ્ડ પણ એક ઉત્તમ વિકલ્પ છે
જો તમે ફક્ત રોકાણના હેતુ માટે સોનું ખરીદી રહ્યા છો અને તેને પહેરવાનો ઇરાદો નથી તો ગોલ્ડ ETF અથવા ગોલ્ડ મ્યુચ્યુઅલ ફંડમાં રોકાણ કરવું એ ભૌતિક સોના કરતાં વધુ સારો વિકલ્પ હોઈ શકે છે. ચોરીનો કોઈ ડર નથી અને શુદ્ધતા અંગે કોઈ મુશ્કેલી નથી.
મેકિંગ ચાર્જ ટ્રેપથી બચો
ઘણા દુકાનદારો, ગ્રાહકોનો ધસારો જોઈને, તેમને મેકિંગ ચાર્જ પર ભારે ડિસ્કાઉન્ટના વચનથી લલચાવે છે. જોકે તેઓ ખરેખર નફો મેળવવા માટે સોનાના ભાવમાં વધારો કરે છે, જેનાથી ગ્રાહકને નુકસાન થાય છે. આ લાલચમાં ન ફસાશો. ખરીદી કરતા પહેલા હંમેશા તે દિવસનો બજાર ભાવ તપાસો.