DA Hike & Bonus Update: આઠમા પગાર પંચ (8th Pay Commission) અંગે ચાલતી ચર્ચાઓ વચ્ચે કેન્દ્રીય કર્મચારીઓ અને પેન્શનરો માટે એક ખુબ જ મહત્વના સમાચાર સામે આવ્યા છે. દેશના લાખો સરકારી કર્મચારીઓ અને પેન્શનરો જુલાઈ 2026થી અમલી બનનારા મોંઘવારી ભથ્થા (DA) અને મોંઘવારી રાહત (DR) વધારાની આતુરતાપૂર્વક રાહ જોઈ રહ્યા છે. આ બધા વચ્ચે ઓલ ઇન્ડિયા ડિફેન્સ એમ્પ્લોઇઝ ફેડરેશન (AIDEF) એ સરકાર સમક્ષ ડીએ વધારાની વહેલી તકે જાહેરાત કરવા તેમજ કર્મચારીઓની બોનસ સીમામાં મોટો વધારો કરવા માટે જોરદાર રજૂઆત કરી છે.
AIDEF દ્વારા કેબિનેટ સચિવને પત્ર: વધતી મોંઘવારી અંગે ચિંતા
AIDEF દ્વારા 10 ઓક્ટોબર 2026ના રોજ કેબિનેટ સચિવ, નાણા મંત્રાલય, ખર્ચ વિભાગ, કાર્મિક અને પ્રશિક્ષણ વિભાગ તેમજ શ્રમ અને રોજગાર મંત્રાલયને એક પત્ર લખવામાં આવ્યો છે. આ પત્રમાં સંગઠને સ્પષ્ટપણે જણાવ્યું છે કે- દેશમાં સતત વધી રહેલી ફુગાવા અને મોંઘવારીના કારણે દૈનિક જરૂરિયાતની ચીજવસ્તુઓના ભાવ આસમાને પહોંચી ગયા છે. આવી સ્થિતિમાં DA અને DRની જાહેરાતમાં થઈ રહેલા વિલંબને કારણે સરકારી કર્મચારીઓ અને પેન્શનરોની આર્થિક સ્થિતિ પર વિપરીત અસર પડી રહી છે અને તેમની ચિંતાઓમાં સતત વધારો થઈ રહ્યો છે.
કેન્દ્રીય કર્મચારીઓનું DA કેટલું વધશે?
કેન્દ્ર સરકાર વર્ષમાં બે વખત (જાન્યુઆરી અને જુલાઈમાં) કર્મચારીઓના મોંઘવારી ભથ્થામાં ફેરફાર કરે છે. આ વધારો ઓલ ઇન્ડિયા કન્ઝ્યુમર પ્રાઇસ ઇન્ડેક્સ (AICPI-IW)ના આંકડાઓના આધારે નક્કી કરવામાં આવે છે.
વર્તમાન સ્થિતિ: હાલમાં કેન્દ્રીય કર્મચારીઓને 60% DA મળી રહ્યું છે.
સંભવિત વધારો: જૂન મહિનાના AICPI-IW આંકડાઓ અનુસાર, આ વખતે DAમાં 3%નો વધારો થઈને તે 63% સુધી પહોંચવાની ધારણા છે.
સામાન્ય રીતે સરકાર તહેવારોની સિઝનમાં જ આ અંગે આખરી નિર્ણય લેતી હોય છે, તેથી દશેરા અને દિવાળી નજીક હોવાથી કર્મચારીઓમાં ભારે ઉત્સાહ જોવા મળી રહ્યો છે.
બોનસ સીમા ₹7,000 થી વધારીને ₹21,000 કરવાની માંગણી
DA વધારા ઉપરાંત AIDEFએ કર્મચારીઓના પરફોર્મન્સ લિંક્ડ બોનસની ગણતરી માટેની મર્યાદા (Bonus Limit) હાલના રૂ. 7,000 થી વધારીને રૂ. 21,000 કરવા કડક માંગ કરી છે. હાલમાં નોન-ગેઝેટેડ કેન્દ્રીય કર્મચારીઓને દર વર્ષે દશેરા અને દિવાળીની આસપાસ બોનસ આપવામાં આવે છે.
AIDEFની દલીલ
સંગઠનનું કહેવું છે કે જ્યારે સરકારે ન્યૂનતમ વેતન (Minimum Wage) વધારીને મહિને આશરે રૂ. 21,000 કરી દીધું છે, ત્યારે બોનસ ગણતરીની મર્યાદા વર્ષો જૂની રૂ. 7,000 રાખવી વ્યાજબી નથી. નેશનલ કાઉન્સિલ-JCM અનુસાર, બોનસ લિમિટ 7મા પગાર પંચ હેઠળના લઘુત્તમ મૂળ વેતન (રૂ. 18,000 +58% DA) થી ઓછી ન હોવી જોઈએ.
જો બોનસ મર્યાદા વધશે તો કર્મચારીઓને કેટલો ફાયદો થશે?
જો કેન્દ્ર સરકાર AIDEFની આ માંગણી સ્વીકારી લે છે, તો કર્મચારીઓના વાર્ષિક બોનસમાં સીધો 3 ગણો ઉછાળો જોવા મળશે.
દિવાળી પહેલાં મળશે ડબલ ભેટ?
રિપોર્ટ અનુસાર, નાણા મંત્રાલયે આ મામલે શ્રમ અને રોજગાર મંત્રાલય પાસે નાણાકીય વર્ષ 2025-26 માટે બોનસ નક્કી કરવા અંગે લઘુત્તમ વેતનની સ્થિતિ પર સ્પષ્ટતા માંગી છે. હવે તમામ કેન્દ્રીય કર્મચારીઓ અને પેન્શનરોની નજર સરકારના આગામી નિર્ણય પર છે કે શું આ દિવાળીએ તેમને વધેલા DA અને વધેલા બોનસની ડબલ ભેટ મળશે કે નહીં.