Aadhaar Update Last Date 2023: UIDAI આધાર કાર્ડ ધારકોને વસ્તી વિષયક માહિતીની ચોકસાઈ જાળવી રાખવા માટે આધાર માહિતી અપડેટ કરવા વિનંતી કરી રહી છે. તેને અપડેટ કરવા માટે, તમારી ઓળખનો પુરાવો અને સરનામાના દસ્તાવેજોનો પુરાવો અપલોડ કરો. આ કાર્ય મહત્વપૂર્ણ છે, તેથી UIDAIએ 15 માર્ચથી 14 સપ્ટેમ્બર, 2023 સુધી દસ્તાવેજોને મફત ઓનલાઈન અપલોડ કરવાની મંજૂરી પણ આપી છે. અગાઉ છેલ્લી તારીખ 14 જૂન, 2023 હતી. ત્યારબાદ તેને 14 સપ્ટેમ્બર સુધી લંબાવવામાં આવી હતી અને હવે છેલ્લા કેટલાક દિવસો જ બાકી છે.
એક તરફ જ્યાં લોકોને ફ્રીમાં અપડેટ કરવાની તક આપવામાં આવી છે, તો બીજી તરફ આધાર કેન્દ્ર પર જઈને ત્યાં બેઠેલા લોકો પાસેથી ડોક્યુમેન્ટ્સ અપડેટ કરાવવા પર 50 રૂપિયાનો ચાર્જ લેવામાં આવશે. UIDAI વેબસાઈટ અનુસાર, 'વસ્તી વિષયક માહિતીની ચોકસાઈ ચાલુ રાખવા માટે આધાર અપડેટ કરો. તેને અપડેટ કરવા માટે, તમારી ઓળખનો પુરાવો અને સરનામાના દસ્તાવેજોનો પુરાવો અપલોડ કરો.'
શા માટે મારે ઓળખ અને સરનામાનો પુરાવો સબમિટ કરવો જોઈએ?
UIDAIની વેબસાઈટ અનુસાર, 'આધાર માટે ઓળખ અને સરનામા માટે અપડેટ કરાયેલ સહાયક દસ્તાવેજો જીવનની સરળતા, સારી સેવા વિતરણ અને સચોટ પ્રમાણીકરણને સક્ષમ કરે છે. તેથી, તાજેતરના ઓળખ અને સરનામાના દસ્તાવેજો સબમિટ કરવા આધાર નંબર ધારકના હિતમાં છે.
એવું કહેવામાં આવ્યું હતું કે આધાર કાર્ડ ધારકો 1700થી વધુ સરકારી પ્રોજેક્ટ્સ અને બિન-સરકારી સેવાઓનો લાભ મેળવી શકે છે. તેથી, તેમના POI/POA દસ્તાવેજીકરણને અપડેટ રાખવું મહત્વપૂર્ણ છે. તે મહત્વનું છે કે તમારો આધાર ડેટા સાચો અને હંમેશા અપડેટેડ હોય.