Jagannath Rath Yatra: જગન્નાથ રથયાત્રા એ હિન્દુ ધર્મનો એક અત્યંત પવિત્ર અને આસ્થાનો ઉત્સવ છે. આ ભવ્ય યાત્રામાં સામેલ થવાથી કે ભગવાન જગન્નાથ, ભાઈ બલભદ્ર અને બહેન સુભદ્રાના દર્શન કરવાથી વિશેષ પુણ્ય મળે છે. ધાર્મિક માન્યતાઓ અનુસાર, રથયાત્રામાંથી કેટલીક ખાસ વસ્તુઓ ઘરે લાવવાથી દેવી લક્ષ્મી અને માતા અન્નપૂર્ણાના આશીર્વાદ કાયમ રહે છે. તેનાથી ઘરમાં ક્યારેય ધન, દોલત કે અનાજની અછત વર્તાતી નથી. જો તમે આ વર્ષે રથયાત્રામાં જઈ રહ્યા છો, તો નીચે જણાવેલી શુભ વસ્તુઓ ચોક્કસ ઘરે લાવજો.
સૂકવેલા ચોખાનો પ્રસાદ
મંદિરમાં ભગવાન જગન્નાથને ભોગ તરીકે અર્પણ કરાયેલા ચોખાને સૂર્યપ્રકાશમાં સૂકવીને 'નિર્માલ્ય' પ્રસાદ તૈયાર કરાય છે. આ પવિત્ર ચોખાને લાલ કપડામાં બાંધીને ઘરે રાખવાથી અન્નના ભંડાર ક્યારેય ખાલી થતા નથી. તમે આ પ્રસાદનો એક દાણો ઘરના અનાજના પાત્રમાં મૂકી શકો છો. કોઈપણ શુભ કાર્યની શરૂઆતમાં તેનો ઉપયોગ કરવો ખૂબ જ કલ્યાણકારી માનવામાં આવે છે.
ભગવાનનો શણગાર અથવા વસ્ત્ર કોઇ અંશ
રથયાત્રા દરમિયાન ભગવાન જગન્નાથજીને જે પવિત્ર વસ્ત્રો, મુગટ કે માળા પહેરાવવામાં આવે છે, તેનો નાનો અંશ કે ટુકડો પ્રસાદી રૂપે મેળવવો ખૂબ જ દુર્લભ અને શુભ ગણાય છે. તેને ઘરની તિજોરીમાં કે પૂજા સ્થાનમાં રાખવાથી ક્યારેય આર્થિક તંગી આવતી નથી.
રથના લાકડાનો ટુકડો
ભગવાનના વિશાળ રથો પવિત્ર લાકડામાંથી બને છે. ઉત્સવ પૂર્ણ થયા પછી જ્યારે રથો છૂટા કરાય, ત્યારે તે લાકડાનો નાનો ટુકડો પણ ઘરમાં લાવવો અદ્ભુત ફળ આપે છે. આ ટુકડાને ઘરના મંદિર કે પવિત્ર જગ્યાએ રાખવાથી નકારાત્મકતા દૂર થાય છે, વાસ્તુદોષ મટે છે અને સફળતાના નવા દ્વાર ખુલે છે.
તુલસીની માળા
ભગવાન જગન્નાથ એ વિષ્ણુ ભગવાનનું જ એક સ્વરૂપ છે અને તેમને તુલસી અત્યંત પ્રિય છે. રથયાત્રામાંથી તુલસીની માળા લાવીને ઘરમાં રાખવાથી અથવા ધારણ કરવાથી સુખ-સમૃદ્ધિ વધે છે. તે ઘરના વાતાવરણને શુદ્ધ અને પવિત્ર રાખવામાં મદદ કરે છે, જેનાથી પરિવારમાં શાંતિ જળવાય છે.
રથનો ધ્વજ કે પતાકા
રથ પર લહેરાતો લાલ ધ્વજ વિજય અને ભગવત કૃપાનું પ્રતીક છે. આ પવિત્ર પતાકાને લાવીને ઘરની છત, અગાસી કે પૂજા સ્થાન પર લગાવવાથી ઘરનું રક્ષણ થાય છે. માન્યતા છે કે તેનાથી પરિવાર પર આવતી આપત્તિઓ ટળે છે અને સકારાત્મક ઊર્જાનો સંચાર થાય છે.
ભગવાનની મૂર્તિ કે છબી
યાત્રામાંથી ભગવાન જગન્નાથ, બલભદ્ર અને સુભદ્રાજીની સુંદર મૂર્તિ કે ફોટો લાવીને ઘરમાં સ્થાપિત કરવો જોઈએ. રોજ નિયમિત ભાવે તેમની પૂજા-અર્ચના કરવાથી ઘરના સભ્યો પર પ્રભુની અખંડ કૃપા વરસે છે અને જીવન હંમેશા ખુશીઓથી ભરેલું રહે છે.
રથની દોરી
લાખો ભક્તો જે દોરડાથી ભગવાનનો રથ ખેંચે છે, તે દોરડામાં અદભુત સકારાત્મક શક્તિ હોવાનું માનવામાં આવે છે. રથયાત્રા પૂર્ણ થયા પછી જો તે પવિત્ર દોરીનો નાનો ટુકડો મળી જાય, તો તેને ઘરના મુખ્ય દરવાજે બાંધવાથી નકારાત્મક શક્તિઓ અને ખરાબ નજરથી ઘરનું રક્ષણ થાય છે.
રથના પૈડા નીચેની રજ
જે માર્ગ પરથી ભગવાનનો રથ પસાર થાય છે, તે રસ્તાની કે રથના પૈડા નીચેની માટી (ચરણ રજ) ને ભક્તો કપાળે લગાવે છે. આ માટીને ઘરે લાવીને તિલક કરવાથી અથવા તેને ઘરમાં છાંટવાથી દુઃખ-દર્દ દૂર થાય છે અને માનસિક શાંતિ મળે છે.
Disclaimer: આ લેખમાં સમાવિષ્ટ કોઈપણ માહિતી/સામગ્રી/ગણતરીની ચોકસાઈ અથવા વિશ્વસનીયતાની ખાતરી આપવામાં આવતી નથી. આ માહિતી વિવિધ માધ્યમો / જ્યોતિષીઓ / પંચાંગો / પ્રવચનો / માન્યતાઓ / શાસ્ત્રોમાંથી એકત્રિત કરીને તમારા સુધી લાવવામાં આવી છે. અમારો હેતુ માત્ર માહિતી પ્રસારિત કરવાનો છે, તેના વપરાશકર્તાઓએ તેને માત્ર માહિતી તરીકે લેવી જોઈએ. વધુમાં, વપરાશકર્તા પોતે તેના કોઈપણ ઉપયોગ માટે જવાબદાર રહેશે. ગુજરાતી જાગરણ આની પુષ્ટિ કરતુ નથી. તમારો અભિપ્રાય અમને gujaratijagran@jagrannewmedia.com પર મોકલી શકો છો.