વિપ્રો લિમિટેડ શેરધારકો પાસેથી રૂપિયા 445 કિંમતથી કુલ 269,662,921 શેરની બાયબેક કરવાની જાહેરાત કરી છે. બાયબેક પાછળ કંપની 12 હજાર કરોડ ખર્ચ કરશે અને તે કુલ ઈક્વિટી શેરનો 4.91 ટકા હિસ્સો હશે.
માર્ચ ત્રિમાસિક ગાળામાં કંપનીનો સંકલિત ચોખ્ખો નફો વાર્ષિક ધોરણે 0.4 ટકા ઘટી રૂપિયા 3,075 કરોડ થયો હતો.
કંપનીને તેની કામગીરીમાંથી આવક 11.2 ટકા વધી રૂપિયા 23,190 કરોડ થઈ છે,જે અગાઉ રૂપિયા 20,860 કરોડ હતી. ડિસેમ્બર ત્રિમાસિક ગાળામાં આવક 23,229 કરોડ રહી હતી.
શેરબજારમાં કંપનીના શેરનો ભાવ રૂપિયા 2 ટકા વધી રૂપિયા 382.35 પર ખુલ્યો હતો. ઈન્ટ્રા-ડે હાઈ રૂપિયા 388 અને લો રૂપિયા 379.85 બોલાયો હતો. અંતમાં રૂપિયા 10.30 વધીને રૂપિયા 384.70 રહ્યો હતો.