શેરબજારમાં મંદી જોવા મળી છે જ્યારે પેઇન્ટ સેક્ટરના શેરોમાં તેજી જોવા મળે છે. એશિયન પેઇન્ટ, એકઝો નોબેલ ઈન્ડિયા, બર્જર બેઈન્ટ્સ, ઈન્ડિગો પેઈન્ટ અને સિર્કા પેઈન્ટમાં તેજી જોવા મળી
રિયલ એસ્ટેટ સેક્ટરમાં સુધારો જોવા મળતા તેમ જ ક્રુડ ઓઈલની કિંમતમાં તીવ્ર ઘટાડો થતા પેઇન્ટ શેરોમાં તેજી જોવા મળી છે.
વર્તમાન સમયમાં બ્રેન્ટ ક્રુડનો ભાવ ત્રણ મહિનાની નીચી સપાટીએ છે, પેઇન્ટ સેક્ટર માટે ક્રુડ ઓઈલ રો-મટેરિયલ છે અને તેની કિંમતમાં ઘટાડો થવાને લીધે માર્જીનમાં સુધારો થાય છે.
છેલ્લા પાંચ સેશનમાં સેન્સેક્સ 2,792 પોઇન્ટ અને નિફ્ટી 782 પોઇન્ટ ગગડ્યા છે. બજાર સેન્ટીમેન્ટ એકંદરે મંદીમય છે.
એશિયન પેઇન્ટ 3.03 ટકા, એકઝો નોબેલ ઈન્ડિયા 1.5 ટકા, બર્જર પેઇન્ટ્સ 1.7 ટકા અને ઈન્ડિગો પેઈન્ટ્સ આશરે 4 ટકા વધ્યા હતા. આ ઉપરાંત સિરકા પેઇન્ટ્સના શેરમાં પણ નોંધપાત્ર સુધારો થયો છે.