બ્લડ પ્રેશર આપણા શરીર માટે અતિ આવશ્યક છે, જે આપણી આર્ટરીઝમાં લોહીના પ્રવાહને માપવાનું કામ કરે છે. જો બ્લડ પ્રેશર નોર્મલ ના રહે, તો સ્વાસ્થ્ય પર ગંભીર અસર થઈ શકે છે. આ અંગે જાણીતા કાર્ડિયોલૉજિસ્ટ ડૉ. કે.કે. કપૂર પાસેથી બ્લડ પ્રેશર અચાનક વધવાના કારણો વિશે જાણીએ...
વધુ પડતી એક્સરસાઈઝ કરવાના કારણે પણ બ્લડ પ્રેશર અચાનક વધી જાય છે, કારણ કે એક્સરસાઈઝ દરમિયાન હાર્ટને વધારે મહેનત કરવી પડતી હોય છે. જેનાથી લોહીનો પ્રવાહ વધે છે. જો તમને પહેલાથી જ હાઈ બ્લડ પ્રેશરની સમસ્યા રહેતી હોય, તો તમારે એક્સરસાઈઝ પર ધ્યાન આપવું જોઈએ.
કૉફીમાંથી મળી આવતું કેફીન નામનું તત્વ પણ બ્લડ પ્રેશર વધારી શકે છે. જેને પીવાથી હાર્ટ અને બ્લડ વેસેલ્સ પર અસર પડે છે.ખાસ કરીને હાઈ બ્લડ પ્રેશરના દર્દીઓએ કેફીનનું સેવન મર્યાદિત કરી દેવું જોઈએ.
તણાવ અને ચિંતાના કારણે પણ શરીરમાં અનેક હોર્મોન રિલીઝ થાય છે. જે બ્લડ પ્રેશરને વધારી શકે છે. જો તમે લાંબા સમય સુધી તણાવમાં રહેતા હોવ, તો તેનાથી કાયમી બ્લડ પ્રેશરની સમસ્યા થઈ શકે છે.
બ્લડ પ્રેશર વધવાનું એક મોટું કારણ ડિપ્રેશન પણ હોઈ શકે છે. જ્યારે આપણે માનસિક તણાવ અનુભવીએ છીએ,જે શરીરમાં તણાવ ઉભું કરે છે. જે મોટાભાગે બ્લડ પ્રેશરને વધારી દેતું હોય છે.
જો શરીરમાં પાણીની કમી થઈ જાય, તો પણ બ્લડ પ્રેશર વધી શકે છે. જ્યારે શરીર ડિહાઈડ્રેટ થઈ જાય છે, ત્યારે લોહી ઘટ્ટ થઈ જાય છે. જેના પરિણામે શરીરમાં પંપ કરવા માટે હાર્ટને વધારે મહેનત કરવી પડતી હોય છે.
ઘણી વખત શરીરમાં અચાનક તીવ્ર દુખાવો ઉપડવા માંડે, તો તે પણ બ્લડ પ્રેશરમાં વૃદ્ધિનું કારણ હોઈ શકે છે. અતિશય દુખાવાના કારણે શરીર તણાવમાં આવી જાય છે, જેના પરિણામે બ્લડ પ્રેશર વધી જાય છે.
જ્યારે શરીરમાં પાણીની ઉણપ થઈ જાય, તો લાંબા સમય સુધી ડિહાઈડ્રેશનનું કારણ બની શકે છે.જેના પરિણામે હાઈપર ટેન્શનની સમસ્યા વધી જાય છે. શરીરમાં પાણીનું પુરતું પ્રમાણ બ્લડ પ્રેશરને કંટ્રોલમાં રાખવામાં મદદ કરે છે.