આપણા રક્તથી બીજાને નવજીવન આપવું એક મહાન કાર્ય મનાય છે. આજ કારણોસર રક્તદાનને મહાદાન કહેવામાં આવે છે.
સામાન્ય રીતે ડોનેટ કરવામાં આવેલા બ્લડનો ઉપયોગ વિવિધ મેડિકલ કંડિશન જેમ કે લોહીની ઉણપ, એનીમિયા, કોઈ અકસ્માત અને કેન્સરની સારવાર માટે કરવામાં આવે છે.
બ્લડ ડૉનેશનની પ્રક્રિયામાં મોટાભાગે એક વ્યક્તિ બ્લડ બેંક અથવા કોઈ એવા સંગઠનને પોતાનું લોહી આપે છે. જે જરૂરિયાતમંદ લોકો માટે લોહી એકત્ર કરે છે.
આજે અમે આપને જણાવીશું કે, આખરે ક્યા લોકોએ ભૂલથી પણ બ્લડ ડોનેટ ના કરવું જોઈએ.તો ચાલો તેના વિશે વિગતવાર જાણીએ. જેથી આપને યોગ્ય જાણકારી મળી શકે...
હેલ્થ એક્સપર્ટના જણાવ્યા અનુસાર, 18 વર્ષથી ઓછી વયના લોકોએ બ્લડ ડોનેટ ના કરવું જોઈએ, નહીંતર તેમને નબળાઈ આવી શકે છે.
જો તમે તાજેતરમાં જ ટેટુ કે શરીરમાં પિયરસિંગ કરાવ્યું હોય, તો તમે તેના 6 મહિના સુધી રક્તદાન નથી કરાવી શકતા.
પ્રેગ્નેન્ટ મહિલાઓએ પણ બ્લડ ડોનેટ ના કરવું જોઈએ. જો તેઓ બ્લડ ડોનેટ કરે, તો માતા અને તેમના ગર્ભસ્થ શિશુના સ્વાસ્થ્ય પર ગંભીર નુકસાન થઈ શકે છે.