સાંભર, કઢી, રસમ, લીંબુ રસ વગેરે ખાટી ચીજવસ્તુઓ લોખંડની કડાઈમાં નાંખીને બનાવવી જોઈએ નહીં. તેનાથી એસિડિક રિએક્શન આવે છે.
જો શાકભાજી બનાવી રહ્યા છો તો ટામેટાવાળા શાકભાજી લોખંડની કડાઈમાં તૈયાર કરવી જોઈએ નહીં, કારણ કે ટામેટાનું ખાટાપણું લોખંડ સાથે પ્રતિક્રિયા કરે છે.તેને લીધે ગેસ, કબજીયાત જેવી સમસ્યા સર્જાઈ શકે છે.
રીંગણનું શાક લોખંડની કડાઈમાં ભૂલથી પણ તૈયાર ન કરો. કારણ કે રીંગણની પ્રકૃતિ એસિડિક હોય છે. જે લોખંડ સાથે રિએક્શન કરી સ્વાદને બદલી નાંખે છે. પાચન સંબંધિત સમસ્યા સર્જાઈ શકે છે.
લોખંડની કડાઈમાં પાલક તૈયાર ન કરો. પાલકમાં ઓક્સાલિક એસિડ હોય છે, જે લોખંડની કડાઈ સાથે રિએક્શન કરી રંગ તથા સ્વાદને બગાડી શકે છે.
હદીથી તૈયાર થતા ભોજનને પણ લોખંડની કડાઈમાં તૈયાર ન કરશો. આમ કરવાથી ફૂડ્સમાં એસિડિક રિએક્શન થાય છે અને સ્વાદ સાથે સ્વાસ્થ પણ બગાડી શકે છે.