સુંદર દેખાવા માટે તમારી સ્કિનનું સ્વસ્થ હોવું જરૂરી છે. જો કે કેટલાક ખાસ વિટામિનની ઉણપના કારણે તમારી સ્કિન ખરાબ થવા લાગે છે. આ લેખમાં ડાયેટિશિયન ડૉ વી.ડી ત્રિપાઠી પાસેથી જાણીએ, ક્યા વિટામિનની ઉણપથી સ્કિન ખરાબ થઈ જાય છે
એક્સપર્ટના જણાવ્યા અનુસાર, શરીરમાં વિટામિનની ઉણપ હોવાના કારણે સ્કિન ખરાબ થવા લાગે છે. જેનાથી સ્કિન ડાર્ક થઈ શકે છે. જેનાથી મેલેનિનના પ્રોડક્શનમાં અડચણ આવે છે. આ સાથે વધારે સમય સુધી તડકામાં રહેવાથી મેલેનિનનું પ્રોડક્શન પણ વધે છે.
રેડ બ્લડ સેલ્સના ઉત્પાદનમાં મહત્ત્વની ભૂમિકા ભજવનાર વિટામિન B12ની ઉણપ થવાથી સ્કિનમાં પીળાશ પડવા લાગે છે. જેનાથી બચવા માટે દૂધ, દહીં, માછલી, ઈંડા અને ચિકનનું સેવન કરવું જોઈએ.
કોલેજનના ઉત્પાદનમાં મદદ કરનાર વિટામિન C એક પ્રકારનું શક્તિશાળી એન્ટી ઓક્સિડેન્ટ છે. જેનાથી સ્કિન ગ્લોઈંગ બને છે. જેના માટે લીંબુ, મોસંબી, સંતરા અને આમળા ખાવા જોઈએ.
વિટામિન B3ની ઉણપથી સ્કિન પર લાલ ચકામા, બળતરા અને કાળાશ પડવા લાગે છે. વિટામિન B3 માટે માછલી, દાળિયા, કઠોળ અને ફોર્ટીફાઈડ અનાજનું સેવન કરવું જોઈએ.
વિટામિન Eને સુંદરતાનું વિટામિન પણ કહેવામાં આવે છે. જેની કમીથી સ્કિન ડ્રાયનેસ, ડલનેસ અને કરચલીઓ પડવા લાગે છે. જેના માટે સૂરજમુખી, બદામ, કાજુ અને પાલક વગેરેને તમારી ડાયટમાં સામેલ કરવા જોઈએ.