આમળાનું સેવન સ્વાસ્થ્ય માટે ફાયદેમંદ માનવામાં આવે છે. આમળા વજન ઉતારવા માટે પણ કારગર સાબિત થઈ શકે છે. હકીકતમાં આમળામાં એવા ગુણ મળી આવે છે, જે વજન ઉતારવાનું કામ કરે છે.
આમળાની ચા ટેસ્ટી લાગે છે. જેને તમે ઘરે જ ખૂબ ઓછી સામગ્રીથી મિનિટોમાં બતાવી શકો છો. આ ચા ટેસ્ટી હોવાની સાથે તમારા શરીરને પણ ફાયદેમંદ રહેશે.
આમળાની ચા બનાવવા માટે તમારે કેટલીક સામગ્રીની જરૂર પડશે. આ માટે તમારે 2 કપ પાણી, 1 ચમચી ક્રશ કરેલ આદુ, 2 તુલસીના પાન અને 1 ચમચી આમળાનો પાવડર લેવો પડશે.
આમળાની ચા બનાવવા માટે એક તપેલીમાં પાણી નાંખીને સામાન્ય ગરમ કરો. જેવી તેમાં વરાળ દેખાવા લાગે, તે સાથે જ તેમાં વાટેલા આદુ, તુલસીના પાન અને આમળાનો પાવડર મિક્સ કરીને ઉકાળો.
જ્યારે પાણી અડધુ થઈ જાય, એટલે કે ઉકળવાના કારણે પાણી 2 થી એક કપ થઈ જાય ત્યારે તમારી આમળાની ચા બનીને તૈયાર થઈ ગઈ સમજો. હવે આ ચાને ગાળીને પી શકો છો.
નિયમિત આમળાની ચા પીવાથી વજન ઝડપથી ઘટી શકે છે, કારણ કે આવી ચા પીવાથી મેટાબોલિઝમ મજબૂત બને છે.
આમળાના પાવડરમાં સારા એવા પ્રમાણમાં ફાઈબર મળી આવે છે. જે પાચન તંત્રને સ્વસ્થ રાખે છે. આમળાની ચાનું સેવન કરવાથી ભૂખ પણ ઓછી લાગે છે.