ગરમા ગરમ અને ટેસ્ટી ખીચું બધાને ભાવતું હોય છે. ગાર્ડનમાં જઈએ તો ત્યાં ગરમા ગરમ ખુચું મળતું જ હોય છે. તો આજે બજાર જેવું ટેસ્ટી ખીચું ઘરે કેવી રીતે બનાવવું તેની રેસિપી ગુજરાતી જાગરણ તમને અહીં જણાવશે.
ચોખાનો લોટ, આખું જીરું, મીઠું, લીલા મરચા, અજમો, કોથમરી, ખાવાનો સોડા, તેલ, મેથીનો મસાલો.
ખીચું બનાવવા કઢાઈમાં ત્રણ કપ પાણી ઉમેરી ગરમ કરો. હવે એક ચમચી જીરું ઉમેરી પાણી ઉકાળો.
પછી થોડું મીઠું અને સમારેલા લીલા મરચા ઉમેરો. હવે તેમા અજમો ઉમેરી થોડું મિક્સ કરો.
થોડો ખાવાનો સોડા ઉમેરી, તમે પાપડ ખારો પણ ઉમેરી શકો છો.
પછી સમારેલી કોથમરી ઉમેરો અને એક કપ ચોખાનો જીણો લોટ ઉમેરી વેલણની મદદથી મિક્સ કરો અને હલાવતા રહો.
બધુ બરાબર મિક્સ કરો, જરૂર મુજબ ગરમ પાણી ઉમેરવું અને થોડીવાર પાકવા દો.
હવે બાઉલમાં ખીચું લો, તેના પર સિંગતેલ અને તેના પર મેથીનો મસાલો ઉમેરી સર્વ કરો. તૈયાર છે તમારું ટેસ્ટી ખીચું.