બારડોલીનું ફેમસ સ્ટ્રીટ ફૂડ પાપનો ગુલ્લો કે માંડવો તમે ખાધો હશે, ચાલો આજે તેની ઘરે બનાવવાની રીત જાણીશું.
ચોખાનો લોટ, પાણી, શેકેલ જીરું, સેંધા નમક, આદુ-લસણ લીલા મરચાની પેસ્ટ, પાપડનો સોડા, તેલ, શેકેલા પાપડ, લાલ મરચું પાઉડર, હિંગ, રાઈ, સફેદ તલ, કોથમરી.
સૌ પ્રથમ એક પેનમાં પાણી, શેકેલ જીરું, સેંધા નમક, આદુ-લસણ અને લીલા મરચાની પેસ્ટ ઉમેરો.
હવે તેમાં પાપડનો ખારો ઉમેરીને પાણી સારી રીતે ઉકાળીને તેમાં ચોખાનો લોટ ઉમેરતા જણીને વેલણ વડે મિક્સ કરતા જાવ.
સારી રીતે મિક્સ કરીને પછી મિશ્રલ થોડી વાર ઠંડુ થાય એટલે એક પ્લાસ્ટિક બેગમાં ભરી ઉપર તેલ નાખીને સારી રીતે મસળી લો.
હવે લોટમાંથી નાના નાના લૂઆ બનાવીને ગુલ્લા બનાવીને ઢોકળીયામાં સ્ટીમ કરી લો.
હવે ગુલ્લાને પાટલા પર મૂકી વેલણ વડે રોટલી જેમ રોલ કરી ઉપર શેકેલ પાપડ મૂકી ફરીથી રોલ કરી લો.
હવે રોટલીને ગોળ વાળીને પછી છરી વડે ખાંડવી જેવા નાના નાના ટુકડા કરી લો.
હવે એક વઘારીયામાં તેલ ગરમ કરી રાઈ, સફેદ તલનો વઘાર તૈયાર કરી પાપડના માંડવા પર રેડી ઉપર લાલ મરચું પાઉડર અને કોથમરી ગાર્નિશ કરીને સર્વ કરો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.