• બ્રેડ-4 • ડુંગળી-1 • ગાજર- 1 • મલાઈ- 1 કપ • શિમલા મરચુ- અડધો કપ • ટામેટુ-1 • કોથમિર- એક મોટી ચમચી • કોબીજ- અડધો કપ • મરીનો પાવડર- અડધી ચમચી • લીલું મરચુ- એક કાપેલું • મીઠુ સ્વાદ અનુસાર
સૌ પ્રથમ તમામ શાકભાજી જેમ કે ગાજર, કોબીજ, ડુંગળી, લીલા મરચા અને શિમલા મરચાને ધોઈને ઝીણા સમારી લો.
તમામ સમારેલા શાકભાજીને એક બાઉલમાં રાખો. હવે તેમાં એક કપ મલાઈ નાંખ્યા બાદ તેને સારી રીતે મિક્સ કરી લો.
આ મિક્સ્ચરમાં મીઠુ અને મરી પાવડરને નાંખો. જે બાદ તેને સારી રીતે હલાવીને મિક્સ કરી દો.
હવે એક બ્રેડની સ્લાઈસ લો અને તેના પર શાકભાજી અને મલાઈથી તૈયાર કરેલ મિક્સ્ચર પેસ્ટ સારી રીતે ફેલાવીને લગાવી દો.
જે બાદ બીજી બ્રેડ સ્લાઈસને તેની ઉપર રાખો. હવે તમે ઈચ્છો તો, તેને ત્રિકોણ આકારમાં પણ કાપી શકો છો.
આ તૈયાર સેન્ડવીચને તમે શેકી પણ શકો છો. આ માટે એક તવામાં થોડું ઘી લગાવીને સેન્ડવીચને બન્ને બાજુથી શેકી લો.