ઓફલાઈન લર્નિંગ પ્લેટફોર્મ અનએકેજમીના પર ફરી છટણીની કાતર ફરી છે. એક વર્ષમાં આ બીજી વખત જોખમ સર્જાયું છે. આ વખતે 12 ટકા છટણી થશે.
કંપનીના CEO ગૌરવ મુંજાલે કર્મચારીઓને પત્ર લખ્યો છે. આ અગાઉ અનએકેડમીએ ગયા વર્ષે નવેમ્બર,2022માં 350 કર્મચારીની છટણી કરી હતી. ત્યારે તેણે આશરે 10 ટકા કર્મચારીની છટણી કરી હતી.
અનએકેડમીના CEO એ પત્રમાં કહ્યું છે કે કંપનીએ નફા માટે યોગ્ય પગલાં ભર્યાં, તેમ છતાં આ પર્યાપ્ત નથી. વૈશ્વિક આર્થિક સ્થિતિને લીધે આમ થયું છે. વૈશ્વિક અર્થતંત્રમાં મંદી અને ફંન્ડિંગનો અભાવ છે.
બે વર્ષ અગાઉની સ્થિતિની તુલના કરીએ તો સ્થિતિ બદલાઈ ગઈ છે. તે સમયે ઓનલાઈન લર્નિંગ ઝડપથી વૃદ્ધિ પામી રહ્યું હતું, હવે કારોબારને નફામાં ચલાવવો મહત્વપૂર્ણ છે.
નફા માટે ગયા વર્ષે નવેમ્બરમાં અનએકેડમીએ છટણી કરી હતી. જોકે CEO ગૌરવના મતે તેમનો અંદાજ યોગ્ય ન હતો, માટે ફરી એક વખત છટણી કરવી પડશે.