પ્રદુષણનાં કણોથી બચવા માટે માસ્ક પહેરવું ખૂબ જ જરુરી છે પરંતુ ક્યું માસ્ક વધુ અસરકારક છે તેની જાણકારી લોકોમાં ઓછી હોય છે. તો આજે બજારમાં મળતા કેટલાક સારી ગુણવત્તા વાળા માસ્કની વાત કરીએ.
બજારમાં મળતા માસ્ક પર નંબર લખેલા હોય છે જેના પરથી જાણી શકાય છે કે ક્યું માસ્ક સારી ગુણવત્તા વાળુ છે. પ્રદુષણથી બચવા માટે N99 અને N100 માસ્ક ખરીવાનો આગ્રહ રાખો. આ માસ્ક 99 ટકા હવામાં રહેલા કણોને શરીરમાં પ્રવેશતા રોકે છે.
જો પ્રદુષણનું પ્રમાણ ખૂબ ઓછુ છે તો તમે N95 માસ્કનો ઉપયોગ કરી શકો છો. સામાન્ય રીતે અન્ય માસ્કની તુલનાએ આ માસ્કની કિંમત ઓછી હોય છે અને સાથે N95 માસ્ક બજારમાં સરળતાથી ઉપલબ્ધ પણ થઈ જાય છે.
જો તમને માસ્ક પહેર્યા પછી તમારો શ્વાસ રુંધાય છે તો તમે N95 ઓરા માસ્ક ખરીદી શકો છો. N95 ઓરા માસ્કમાં રેસ્પિરેટર હોય છે જે યોગ્ય રીતે શ્વાસ લેવામાં મદદ કરે છે.
આમ તો માસ્ક તમને હવામાં રહેલા કણોથી બચાવશે પરંતુ તે સપૂર્ણ રીતે કણોથી સુરક્ષા પ્રદાન કરશે તે કહી ન શકાય. જેથી કોઈ જરુરી કામ ન હોય તો બહાર જવાનું ટાળો.