સવારે કે સાંજના સમયે નાસ્તામાં યુનિક રેસીપી બનાવવા માંગતા હોવ તો તમે આ મિક્સ લોટની ચકરી રેસીપી ચોક્કસ બનાવી શકો છો.
તેલ, ચણાનો લોટ, ચોખાનો લોટ, ઘઉંનો લોટ, હળદર, હિંગ, ધાણાજીરું, આદુ-લસણ-મરચાની પેસ્ટ, મરચું પાઉડર, તલ, મીઠું, ખાટી છાસ,
સૌ પ્રથમ એક બાઉલમાં ચણા-ચોખા અને ઘઉંનો લોટ, હળદર, હિંગ, મીઠું મસાલા ઉમેરો.
હવે તેમાં તલ, આદુ-લસણ-મરચાની પેસ્ટ, તેલનું મોણ નાખીને મિક્સ કરી લો.
હવે તેમાં ખાટી છાસ નાખીને લોટ બાંધી લો.
હવે લોટ પર તેલ લગાવી સારી રીતે મસળીને ચકરીના સંચામાં લોટ ભરી એક પ્લેટમાં ચકરી બનાવી લો.
હવે એક કડાઈમાં તેલ ગરમ કરી ચકરીને ક્રિસ્પી થાય ત્યાં સુધી તળી લો.
તૈયાર છે મિક્સ લોટની યુનિક ચકરી, તમે ચા સાથે સર્વ કરી શકો છો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.