વર્લ્ડ એટલસ ડોટ કોમની માહિતી પ્રમાણે વિશ્વમાં સૌથી વધારે શાકાહારી લોકો ભારતમાં છે. ભારતની આશરે 38 ટકા વસ્તી શાકાહારી છે.
વિશ્વમાં સૌથી વધુ શાકાહારી લોકોની યાદીમાં ભારત બાદ ઈઝરાયેલ આવે છે. અહીં વર્ષ 2012માં સૌથી વિશાળ શાકાહારી મહોત્સવ યોજાયો હતો, જેમાં 15 હજારથી વધુ લોકોએ ભાગ લીધો હતો.
તાઈવાનમાં આશરે 13 ટકા પ્રજા શાકાહારી છે. આ દેશને શાકાહારીઓ માટે અનુકૂળ માહોલ તરીકે માન્યતા આપવામાં આવેલી છે.
યુરોપીયન દેશ ઈટાલી સૌથી વધારે શાકાહારી લોકોની યાદીમાં ચોથા ક્રમાંક પર આવે છે. આ દેશની કુલ વસ્તીના 10 ટકા લોકો શાકાહારી છે.
ઓસ્ટ્રિયાની આશરે 9 ટકા વસ્તી શાકાહારી છે. આ દેશમાં છેલ્લા કેટલાક સમયથી સતત શાકાહારી લોકોની સંખ્યા વધી રહી છે.