શિયાળાની ઋતુમાં તાજા, લાલ-લાલ ગાજર બજારમાં છવાયેલા હોય છે. એ જ ગાજરથી બનાવેલો ગાજરનો હલવો સ્વાદમાં મસ્ત અને આરોગ્યદાયક પણ છે! નાના બાળકોથી લઈને વૃદ્ધો સુધી બધાને આ હલવો ગમે છે. ચાલો જોઈએ તેની સરળ રેસીપી
500 ગ્રામ છીણેલા ગાજર, ½ લિટર ફૂલ ફેટ દૂધ, 4-5 ચમચી ઘી, ½ કપ ખાંડ (સ્વાદ અનુસાર), કાજુ, બદામ, કિશમિશ — જરૂર મુજબ, ¼ ચમચી એલચીનો પાઉડર
એક કડાઈમાં અથવા નોનસ્ટિક પેનમાં મધ્યમ તાપે ઘી ગરમ કરો. તેમાં છીણેલા ગાજર નાખીને 4-5 મિનિટ સુધી સતત હલાવતા સાંતળો.
હવે તેમાં દૂધ ઉમેરો અને બરાબર મિક્સ કરો. મિશ્રણને ઉકળવા દો.
ઉકળ્યા પછી તાપ ધીમો કરો અને મિશ્રણ ઘટ્ટ થાય ત્યાં સુધી પકાવતા રહો. તે ચોંટે નહીં તે માટે વચ્ચે વચ્ચે હલાવતા રહો.
જ્યારે દૂધ લગભગ સૂકાઈ જાય, ત્યારે તેમાં ખાંડ, કાજુના ટુકડા અને કિશમિશ ઉમેરો. બધું સરખું મિક્સ કરો અને ખાંડ ઓગળી જાય ત્યાં સુધી સતત હલાવો.
તેમાં એલચીનો પાઉડર નાખો અને બધાને બરાબર મિક્સ કરો અને ગેસને બંધ કરી દો.
હલવો ગરમ અથવા ઠંડો બંને રીતે પીરસી શકાય. પીરસતા પહેલાં ઉપરથી બદામ, કાજુ અને દ્રાક્ષથી સજાવો.
અવનવી રેસીપી માટે ગુજરાતી જાગરણ વાંચતા રહો.