સિલિકોન વેલી બેંક બાદ હવે વધુ એક બેંકને તાળુ લાગ્યું છે. અને તેનું નામ છે સિગ્નેચર બેંક
ક્રિપ્ટો ફ્રેન્ડલી તરીકે ઓળખાતી સિગ્નેચર બેંક હંગામી ધોરણે બંધ કરવામાં આવી છે. આ બેંક પાસે ક્રિપ્ટો કરન્સીના શેર હતા.
સિગ્નેચર બેંકને ફેડરલ ડિપોઝીટ ઈન્સ્યોરન્સ કોર્પોરેશને પોતાના નિયંત્રણમાં લીધા છે. ગયા વર્ષના અંતે 110.36 અબજ ડોલર સંપત્તિ હતી, જ્યારે બેંકમાં જમા રકમ 88.59 અબજ ડોલર હતી.
SVB મોટા પ્રમાણમાં સ્ટાર્ટ-અપ્સમાં રોકાણની સ્થિતિ ધરાવતી હતી હતી ત્યારે સિગ્નેચર બેંક ક્રિપ્ટોકરન્સીમાં મોટા પ્રમાણમાં એક્સપોઝર ધરાવતી હોવાના અહેવાલ મળી રહ્યા છે.
બેંકોને સતત સમસ્યાનો સામનો કરવો પડી રહ્યો છે. કારણ કે ફેડરલ રિઝર્વ દ્વારા કડક નાણાં નીતિને અમલી બનાવેલી છે અને સતત ચાવીરૂપ વ્યાજ દરોમાં વધારો કરવામાં આવ્યો છે.