અમદાવાદમાં ઘણા માર્કેટ આવેલા છે, જ્યાં તમને સસ્તા ભાવે વસ્તુઓ મળી રહે છે.
આજે અમે તમને અમદાવાદની એક એવી જગ્યા વિશે જણાવીશું જ્યાં તમને ઘર વખરીથી લઈ જીમ મશીન, કપડા તેમજ જીવન જરૂરિયાતની તમામ વસ્તુઓ મળી રહી છે.
ઘણા લોકો સસ્તી વસ્તુઓ ખરીદવા માટે દૂર દૂરથી અમદાવાદી બજાર, લાલ દરવાજા, ભીડ ભંજન વગેરે જગ્યાએ જતા હોય છે.
સસ્તુ, સારું અને વ્યાજબી ભાવે કપડાની ખરીદી કરવા લોકો અહીં આવતા હોય છે.
અમદાવાદમાં છેલ્લા 20 કે 30 વર્ષથી આ માર્કેટ ભરાઈ છે.
આ બજાર એલિશબ્રિજથી શરૂ થઇને જમાલપુર સુધી લંબાયેલું છે.
અહીં તમે મશીનરીથી લઈ કપડા તેમજ ઘરમાં વપરાતી નાનામાં નાની વસ્તુઓની વ્યાજબી ભાવે ખરીદી કરી શકો છો.
આ માર્કેટમાં બેગ, કપડા, ચંપલ, ઘરવખરી, જીમ મશિન,એડવાન્સ કેમેરા, ટ્રાઇપોડ,મેકએપ બોક્સ, ચોપડા,ફર્નીચર, રસોડાનો સામાન વગેરે જેવી તમામ વસ્તુઓ સસ્તા ભાવે મળી રહેશે.
આ માર્કેટમાં લોકોની ભારે ભીડ જામતી હોવાથી અહીં પોલીસનો ચુસ્ત બંદોબસ્ત અને પાર્કિંગની પણ સુવિધા ઉપલબ્ધ છે.
આ માર્કેટ દર રવિવારે સવારે 8 વાગ્યાથી સાંજે 7 વાગ્યા સુધી ચાલું રહે છે.
અમદાવદાના આ સસ્તા માર્કેટને ગુજરી બજાર તરીકે પણ ઓળખવામાં આવે છે, જ્યાં તમે લેડીસ, જેન્ટ્સ, ચિલ્ડ્રન વગેરે માટે કપડાં, ફર્નીચર, રસોડાની સામગ્રી મળી રહેશે.