લગભગ દરેક લોકોને ચાટ ખાવાનું ગમતું હોય છે. ત્યારે જો તમે ટેસ્ટી ચાટ ખાવા માંગો છો તો શક્કરિયા ચાટ ખાવામાં શ્રેષ્ઠ રહેશે. આવો જાણીએ તેને ઘરે બનાવવાની સરળ રીત.
બાફેલા શક્કરીયા, ઘી, મરચું પાવડર, જીરું, મીઠું, ડુંગળી, ટામેટા, ચાટ મસાલો, દહીં, દાડમના દાણા, ખાટી-મીઠી ચટણી.
શક્કરિયા ચાટ બનાવવા માટે સૌપ્રથમ બાફેલા શક્કરિયાને ધોઈ લો પછી તેને ગોળ આકારમાં કાપી લો.
તેને ક્રિસ્પી બનાવવા માટે એક પેનમાં થોડું ઘી ગરમ કરો અને તેમાં શક્કરિયાને થોડી વાર તળી લો અને તેને બંને બાજુથી ગોલ્ડન બ્રાઉન કરો.
હવે તેને એક વાસણમાં કાઢી લો અને પછી તેમાં થોડું મરચું પાવડર, મીઠું, જીરું પાવડર, સમારેલી ડુંગળી, સમારેલા ટામેટા અને 2 ચમચી દહીં નાખીને મિક્સ કરો.
તેમાં લીલી ચટણી અને મીઠી ચટણી નાખો આ સિવાય તમે ટમેટાની ચટણીનો ઉપયોગ કરી શકો છો. હવે બધી સામગ્રીને સારી રીતે મિક્સ કરો.
આ પછી તેમાં થોડો ચાટ મસાલો નાખીને કોથમીરથી ગાર્નિશ કરો. જો તમે ઈચ્છો તો તેમાં દાડમના દાણા પણ નાખી શકો છો.
જો તમને સ્પાઈસી ખોરાક ખાવો ગમે છે તો તમે તેમાં સમારેલા લીલા મરચા નાખી શકો છો. હવે આ ટેસ્ટી ચાટ સર્વ કરો.
આ રીતે તમે 10 મિનિટમાં શક્કરિયા ચાટ બનાવી શકો છો, આવી વધુ માહિતી માટે ગુજરાતી જાગરણ વાંચતા રહો.