નવરાત્રી ચાલી રહી છે આ તકે જો તમે ઉપવાસ કરી રહ્યા છો અને રોક મીઠાથી બનેલી વસ્તુઓ ખાવ છો, તો ચાલો જાણીએ બટેટા અને દહીંમાંથી બનતા શાક વિશે જેને તમે ઉપવાસમાં પણ ખાઈ શકો છો. આવો જાણીએ તેની રેસીપી.
બટાકા - 4-5, દહીં - 1 કપ, ઘી- 2-3 ચમચી, કોથમીર - 1 ચમચી સમારેલી, લીલા મરચા - 2-3 સમારેલા, જીરું - અડધી ચમચી, હળદર પાવડર - અડધી ચમચી, આદુ - 1 નાનો ટુકડો છીણેલું, કાળા મરી પાવડર - અડધી ચમચી, રોક મીઠું - સ્વાદ મુજબ.
દહીં-બટેટાની કરી બનાવવા માટે સૌપ્રથમ બટેટાને બાફી, છોલીને કાપીને એક બાઉલમાં રાખો.
હવે એક કડાઈમાં ઘી ગરમ કરો અને તેમાં જીરું નીખો પછી તેમાં સમારેલા લીલા મરચા અને વાટેલું આદુ નાખીને વઘાર કરો.
હવે કડાઈમાં બાફેલા બટાકાની સાથે મીઠું, હળદર પાવડર, કાળા મરી પાવડર વગેરે નાખીને ચમચીની મદદથી હલાવો.
હવે એક બાઉલમાં દહીં લો અને તેને થોડી વાર માટે સારી રીતે ફેટી લો અને પછી તેને બટાકા સાથે મિક્સ કરો.
તમે તેમાં જરૂર મુજબ પાણી ઉમેરી શકો છો અને ઉપર કોથમીર નાખી થોડી વાર પકાવી લો. દહીં-બટેટાની કરી તૈયાર છે. ઉપવાસ દરમિયાન તમે તેને ઘઉંના લોટની પુરી અને પરાઠા સાથે સર્વ કરી શકો છો.
લોકો દહીં-બટાકાના શાકને છાશ બટેટા પણ કહે છે. ઉપવાસ દરમિયાન તમે તેને સરળતાથી બનાવીને ખાઈ શકો છો. આવી અન્ય રેસીપી માટે ગુજરાતી જાગરણ વાંચતા રહો.