સવારના નાસ્તામાં યુનિક રેસીપી ટ્રાય કરવા માંગતા તો તમે, પ્રોટીનથી ભરપૂર ફણગાવેલા મગમાંથી પૌષ્ટિક ટેસ્ટી અને સ્પંજી ઢોકળા બનાવવાની રીત નોંધી લો.
ફણગાવેલા મગ, કોથમીર, દહીં, લીલા મરચાં, આદુ, મીઠું , સોજી, હળદર, હિંગ, તેલ, પાણી, ઈનો, લાલ મરચું પાઉડર, રાઈ, તલ, મીઠા લીમડાના પાન.
સૌ પ્રથમ એક મિક્સર જારમાં આદુ-મરચાના ટુકડા નાખીને ક્રશ કરી લો.
હવે તે મિક્સર જારમાં ફણગાવેલા મગ, કોથમરી, દહીં અને પાણી ઉમેરીને ગ્રાઈન્ડ કરી લો.
હવે એક બાઉલમાં તે બેટર કાઢી તેમાં સોજી નાખી મિક્સ કરીને 15 મિનીટ સેટ થવા દો.
હવે તેમાં હળદર, હિંગ, મીઠું, તેલ, ઈનો અને જરૂર મુજબ પાણી ઉમેરીને સ્મૂધ બેટર બનાવી લો.
હવે એક ઢોકળીયામાં તેલ ગ્રીસ કરી તેમાં બેટર રેડી ઉપર લાલ મરચું છાંટીને સ્ટીમ કરી લો.
હવે એક વઘારીયમાં તેલ ગરમ કરી રાઈ, તલ, મીઠા લીમડાના પાનનો વઘાર તૈયાર કરી સ્ટીમ ઢોકળા પર રેડો.
તૈયાર છે ફણગાવેલા મગના સ્ટીમ ઢોકળા તમે છરી વડે ટુકડા કરીને ચટણી સાથે સર્વ કરો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.