ગુવારનું શાક તો તમે ખાધું જ હશે પરંતુ તમે સિંગભજીયા વાળું આખા ગુવારનું શાક ક્યારેય ટ્રાય ન કર્યું હોય, જાણી લો યુનિક રેસીપી.
સિંગભજીયા, ગુવાર, રાઈ, જીરું, મીઠું, લાલ મરચું પાઉડર, હળદર, ધાણાજીરું, મીઠો લીમડો, ડુંગળી, આદુ-મરચાની પેસ્ટ, પાણી, કોથમરી,
સૌ પ્રથમ ગુવારની સિંગ ધોઈ આગળ અને પાછળના ભાગને કાઢી લો.
હવે એક ખાંડણીમાં સિંગભજીયા નાખીને અધ કચરા ખાંડી લો.
હવે એક પ્રેશર કૂકરમાં તેલ ગરમ કરી તેમાં રાઈ-જીરું,મીઠો લીમડો, આદુ-મરચાની પેસ્ટ અને ડુંગળીની પ્યુરી ઉમેરીને સાંતળી લો.
હવે તેમાં મીઠું, મરચું,હળદર,ધાણાજીરું અને થોડું પાણી નાખીને વઘાર કરી લો.
હવે તેમાં આખો ગુવાર, અધ કચરા ખાંડેલા સિંગભજીયાનો ભૂકો અને થોડું ઉમેરીને 3 સીટી વાગે ત્યાં સુધી પકાવી લો.
હવે તેમાં કોથમરી ગાર્નિશ કરીને રોટલી સાથે ગરમા- ગરમ સર્વ કરી શકો છો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.