હવામાનમાં ફેરફાર થવાથી તેની અસર શરીરના સ્વાસ્થ્ય પર પણ પડે છે, આવામા ક્યારેક તાવ પણ આવે છે અને તે માટે આપણે તરત દવા લઈ લેતા હોઈએ છે.પરતું જો તમે દવા લેવા ન ઈચ્છતા હોવ તો આ કેટલાક ઘરેલું ઉપચાર પણ કરી શકાય છે. આવો જાણીએ
તુલસીમાં એન્ટિબેક્ટેરિયલ અને એન્ટિવાયરલ ગુણો જોવા મળે છે. તુલસીના પાનને મધ સાથે ખાવાથી અથવા તુલસીના પાનનો ઉકાળો પીવાથી તાવમાં રાહત મળે છે.
ફુદીનો અને આદુના ઉકાળો પીવાથી પણ તાવમાં રાહત મેળવી શકાય છે. તાવ આવે તો આ ઉકાળો દિવસમાં બે થી ત્રણ વખત પીવો જોઈએ.
હળદરને ઘણો આરોગ્યપ્રદ માનવામાં આવે છે. રાત્રે સૂતા પહેલા હળદરવાળા દૂધમાં એક ચપટી કાળા મરીનો પાવડર મિક્સ કરીને પીવો, આનાથી તમને તાવમાં જલદી આરામ મળશે
લસણમાં એન્ટીબેક્ટેરિયલ ગુણો રહેલા હોય છે. લસણની બે-ત્રણ કળી અને લવિંગનો ભૂકો કરી હૂંફાળા પાણી સાથે પી લેવું, આ તાવને ઓછો કરવામાં મદદ કરશે
અતિશય તાવની સ્થિતીમાં ચંદનનો લેપ લગાવવાથી ઠંડક મળે છે, તાવને ઓછો કરવામાં ચંદનની પેસ્ટ ખૂબ જ અસરકારક માનવામાં આવે છે